Allt að 10 þúsund króna hækkun á sérstökum húsnæðisstuðningi á mánuði

Sérstakur húsnæðisstuðningur er fjárhagsleg aðstoð við fjölskyldur og einstaklinga á leigumarkaði sem þurfa aðstoð vegna greiðslu á húsaleigu, umfram hefðbundnar húsanæðisbætur sem Húsnæðis- og mannvirkjastofnun greiðir. 

• Spurt og svarað um sérstakan húsnæðisstuðning
• Reglur Reykjavíkurborgar um sérstakan húsnæðisstuðning

Allt að tíu þúsund króna hækkun á mánuði

Áhrif breytinganna verða mest hjá þeim búa fleiri en eitt í húsnæði. Þar er um að ræða aukinn stuðning um allt að 10.000 krónur fyrir barnafjölskyldur, hjón eða aðra sambúðaraðila, ef ekki kemur til skerðingar samkvæmt öðrum þáttum í reglum Reykjavíkurborgar um sérstakan húsnæðisstuðning.

 

	Fyrir breytingu – greiðsla á mánuði			Eftir breytingu – greiðsla á mánuði
Fjöldi íbúa	Húsnæðisbætur kr.	Sérstakur húsn.st. kr.		Húsnæðisbætur kr.	Sérstakur húsn.st. kr.	Hækkun kr.
1	50.792	49.208		50.792	50.792	1.584
2	67.553	32.447		67.553	42.447	10.000
3	78.728	21.272		78.728	31.272	10.000
4	85.331	14.669		85.331	24.669	10.000
5	92.441	7.559		92.441	17.559	10.000
6 eða fleiri	99.552	448		99.552	10.448	10.000

Hækkun samanlagðra húsnæðisbóta og sérstaks húsnæðisstuðnings kemur meðal annars til vegna mikillar eftirspurnar og minnkandi framboðs á leigumarkaði, sem leitt hefur til hækkunar á leiguverði. Einnig er hún gerð til að bregðast við ýmsum breytingum sem gerðar hafa verið á reglugerð um húsnæðisbætur og má lesa nánar um í fundargerð borgarráðs. 

Breytingin tekur gildi 1. janúar 2026. Áætlað er að kostnaður vegna tillögunnar á ársgrundvelli verði um 180 milljónir króna.