Aðgengilegri gróðurkassar komnir í notkun
Gróðurkassarnir eru við sjö samfélagshús. Þeir eru upphækkaður og henta fyrir öll, fólki sem notar hjólastóla, göngugrindur eða fólki sem á erfitt með að vinna á hnjánum.
Kynning fór fram á aðgengilegum gróðurkössum í samfélagshúsinu á Vitatorgi í gær. Þær Björk Þorleifsdóttir og Svanhildur Björk Sigfúsdóttir frá Grasagarðinum í Laugardal komu við á Vitatorgi og voru með fræðslu um hvernig er best að bera sig að við gróðursetningu matjurta í gróðurkassa.
Nú í vor voru smíðaðir fleiri kassar sem fóru m.a. í nýjan matjurtargarð í Hlíðunum sem var kosinn til framkvæmda í verkefninu Hverfið mitt. Síðasta sumar var unnið að frumgerð á kassanum og hann settur upp í Grasagarðinum.
Kassarnir eru upphækkaðir og þannig útfærðir að hægt er að standa eða sitja við þá. Þeir henta því vel fyrir fólk sem notar hjólastóla, göngugrindur eða á erfitt með að vinna á hnjánum.
Falleg blóm og gróður auka vellíðan og andlega heilsu og það er fátt betra en að gleyma sér við gróðursetningu og fjöldi fólks mætt á Vitatorg til að njóta.
Hönnun og smíði á aðgengilegum matjurtarkössum er samstarfsverkefni á milli verkefnisins Hverfið mitt og aðgengisfulltrúa Reykjavíkur. Um er að ræða samstarfsverkefni á milli Hverfið mitt og aðgengisfulltrúa Reykjavíkur. Í Reykjavík er í gildi aðgengisstefna sem samþykkt var í borgarstjórn árið 2022. Aðgengisstefnan byggir á hugmyndafræði um algilda hönnun.
Reykjavíkurborg hefur komið slíkum kössum fyrir í sjö samfélagshúsum:
- Tveir fóru á Vitatorg
- Tveir fóru á Dalbraut
- Tveir fóru í Lönguhlíð
- Tveir fóru í Bólstaðahlíð
- Einn fór í Hvassaleiti
- Einn fór í Hæðargarð
- Einn fór í Hraunbæ
Kassinn var hannaður af Ragnhildi Skarphéðinsdóttur og Svövu Ragnarsdóttur hjá Hornsteinum Arkitektum og um smíðina sá Kúnstverk.is