Reykjavik
Forvarnasjóður
Hlutverk Forvarnasjóðs Reykjavíkur er að stuðla að forvörnum, efla félagsauð og stuðla að hvers konar framförum í hverfum Reykjavíkur. Hægt er að sækja um styrki til verkefna í einstökum hverfum eða almennt í borginni. Íbúaráð veita styrki til verkefna í hverfum en velferðarráð til almennra forvarnarverkefna í borginni. Úthlutað verður úr Forvarnasjóði á seinni hluta ársins 2022 en dagsetning verður auglýst síðar.
Markmið
Markmið sjóðsins er að styrkja forvarnarverkefni í samræmi við forvarnastefnu Reykjavíkurborgar og veita einstaklingum, félagasamtökum, fyrirtækjum og stofnunum tækifæri til frumkvæðis og nýsköpunar.
Styrkir úr sjóðnum eru veittir til verkefna sem styðja:
- Forvarnir í þágu barna og unglinga
- Eflingu félagsauðs í hverfum borgarinnar
- Bætta lýðheilsu
- Markvisst samstarf íbúa, félagasamtaka, og fyrirtækja í þágu forvarna og félagsauðs
- Önnur verkefni sem mæta þeim markmiðum sem borgarstjórn setur hverju sinni
Samkvæmt úthlutunarreglum sjóðsins geta stofnanir Reykjavíkurborgar eða starfsmenn þeirra sótt um styrki í sjóðinn en einungis í samstarfi við aðra aðila utan Reykjavíkurborgar.
Í forvarnastefnunni er meðal annars lögð áhersla á að bæta andlega líðan, heilsu og sjálfsmynd barna og unglinga og forvarnir gegn áhættuhegðun.
Ferli umsóknar
- Allar styrkumsóknir sem ganga þvert á hverfi borgarinnar eru lagðar fyrir samráðshóp um forvarnir í Reykjavík og til umsagnar og samþykktar í velferðarráði.
- Umsóknir um verkefni í einstökum hverfum fara fyrir íbúaráð til samþykktar.
- Allir umsækjendur fá skriflegt svar þegar niðurstöður um úthlutun liggja fyrir.
Eyðublað fyrir greinargerð
Greinargerð á að skila þegar viðkomandi verkefni er að fullu lokið í samræmi við styrksamning styrkþega og Reykjavíkurborgar.
Fleiri spurningar?
Senda má fyrirspurnir á netfangið forvarnarsjodur@reykjavik.is.
- Velferðarsvið Reykjavíkurborgar hefur umsjón með sjóðnum.
- Upplýsingar um styrki í einstökum hverfum borgarinnar veita framkvæmdastjórar þjónustumiðstöðva velferðarsviðs.