Breyting á eldri eignaskiptayfirlýsingu – gátlisti

Forsíða og inngangur

Forsíða

Eftirfarandi þarf að koma fram:

• Staðfang (heiti og númer) 
• Sveitarfélag 
• Landeignanúmer 
• Matshlutanúmer (byggingu á að jafnaði að skrá sem einn matshluta)

Inngangur (breyting frá eldri eignaskiptayfirlýsingu)

Taktu fram þegar verið er að:

• Breyta eignarhaldi á rýmum. Þegar verið er að breyta eignarhaldi á rýmum vegna sölu þá þarf að láta þinglýsa afsali líka.
• Breyta eignarhaldsnúmeri vegna breytinga á röðun rýmisnúmera þá þarf það að koma skýrt fram.
• Að sameina matshluta.
• Fjölga fasteignum og úr hvaða fasteignum er verið að mynda þær nýju.
• Sameina fasteignir, hvaða fasteignanúmer stendur eftir og hvaða fasteignanúmer falla niður við sameiningu.

Taktu fram þegar fella á niður þinglýsta eignaskiptayfirlýsingu og vísaðu í þinglýsingarnúmer hennar.

Grundvöllur

Nafn höfundar eignaskiptayfirlýsingar og kennitala með tilvísun í:

• Lög um fjöleignarhús 26/1994 með síðari breytingum
• Reglugerð um eignaskiptayfirlýsingar og útreikning hlutfallstalna 910/2000
• IST 50:1998
• Skráningarreglur FMR og byggingarfulltrúa frá árinu 2005
• Reglugerð um skráningu staðfanga 577/2017
• Lög um skráningu og mat fasteigna 6/2001
• Samþykktar aðalteikningar sem yfirlýsing byggir á
• Þinglýstar heimildir, réttindi og kvaðir 

Blaðsíðufjöldi yfirlýsingar. 
Blaðsíðufjöldi fylgiskjala ásamt skýringum á þeim.  

Frávik

Ef frávik eru frá samþykktum aðaluppdráttum og/eða samþykktri skráningartöflu þá þarf í samráði við byggingarfulltrúa að gera frávikskafla í eignaskiptayfirlýsingu auk teikningar sem gerir grein fyrir frávikum.

Lóð

Eftirfarandi þarf að koma fram:

• Eignarform lóðar
• Gildistími lóðarleigusamnings ef lóð er leigulóð með tilvísan í þinglýsingarnúmer
• Notkun og stærð lóðar. Gerðu grein fyrir hlutdeild allra matshluta í lóð ef fleiri en einn. Tilgreindu tengsl milli matshluta á lóð og hugsanlega á öðrum lóðum
• Fjöldi bílastæða á lóð og eignarhald (sbr. bílastæði fyrir framan bílskúr)
• Sérstök réttindi/kvaðir, ákvæði skipulagsskilmála og lóðarhluta t.d. undir verandir ef eigendur hafa komist að samkomulagi um slíkt 

Byggingarréttur

Byggingarréttur

Eftirfarandi þarf að koma fram:

Byggingarréttur, ef hann er til staðar, skv. 28. gr. laga um fjöleignarhús.   

Ef byggingarréttur er á lóð sem á að fá fasteignanúmer, þá þarftu að hafa áætlaða/þekkta hlutdeild í lóð vegna hans og geta hans í lýsingu eigna á sama hátt og gert er við aðrar eignir. 

Lýsing byggingar

Lýsing byggingar

Eftirfarandi þarf að koma fram:

• Notkun matshluta
• Aðalbyggingarefni
• Fjöldi hæða og byggingarár samkvæmt heimildum
• Heildarstærð
• Birt flatarmál og brúttórúmmál matshluta skv. skráningartöflu

Lýsing á sameign sumra

Lýstu sameign sumra, rými og búnaði og hvaða eignarhlutum sameignin tilheyrir; sérstökum réttindum/skyldum.

Lýsing á sameign allra

Lýstu sameign allra, rými og búnaði; sérstökum réttindum/skyldum.

Orkumæling

Lýsing hitakostnaðar

Lýstu skiptingu hitakostnaðar.

Taktu fram:

• Fjölda hitaveitumæla, staðsetningu og inntak í húsi.
• Fjölda kaldavatnsmæla ef um slíkt er að ræða, staðsetningu þeirra og inntak í húsi.
• Skiptingu kostnaðar vegna séreigna og sameigna ef mælir er sameiginlegur. Hafðu hlutfallstölublað úr skráningartöflu sem fylgiskjal.

Lýsing rafmagnskostnaðar

Taktu fram:

• Fjölda rafmagnsmæla, staðsetningu þeirra og inntak í húsi.
• Áætlaða rafmagnsnotkun ef þess þarf. Lýstu skiptingu kostnaðar vegna sameignar og kostnaðar milli eigna ef um slíkt er að ræða.

Kvaðir

Ef kvaðir eru á eignum eða í lóðarleigusamningi þá skal geta þess hér. 

Vísið í þinglýsingarnúmer skjalsins ef kvaðir eru þinglýstar

Lýsing séreigna

Lýstu séreign og notaðu vinnublaðið „lýsing“ úr skráningartöflunni þar sem kemur fram lýsing á séreign, fasteignanúmer og eignarhaldsnúmer eigna, birt heildarstærð og sundurliðaðar stærðir rýma, sem skilgreind eru sérstaklega í skráningartöflunni.

Taktu fram í lýsingunni staðfang eignarinnar ef eignin hefur sérinngang. Hægt er að fá upplýsingar um staðfang hjá byggingarfulltrúa.

Taktu fram í lýsingunni hlutfallstölur séreignarinnar í matshluta, heildarhúsi, lóð, hita og sameign sumra ef við á.

Staðfesting

Eftirfarandi þarf að koma fram:

Nafn og kennitala höfundar.

Gerðu ráð fyrir eftirfarandi undirritunum, ef við á:

• Undirritun þinglýstra eiganda og kaupsamningshafa
• Undirritun vegna heildarhúss
• Undirritun byggingarfulltrúa
• Undirritun húsfélags

Fylgiskjöl

• Samþykktir aðaluppdrættir (áritaðir/stimplaðir ásamt samþykktri skráningartöflu (samantektarblað úr töflu)
• Hlutfallstölur úr vinnublaðinu hlutfallstölur
• Auðkenning rýma með rýmisnúmerum og litum (afmörkun rýma samkvæmt rýmum í skráningartöflu)
• Fráviksteikning og/eða skráningartafla með frávikum (með samþykki byggingarfulltrúa)