Barnabókaverðlaun Reykjavíkur

Illustration of a cat.
Reykjavík bókmenntaborg UNESCO kallar ár hvert eftir barnabókum vegna Barnabókaverðlauna Reykjavíkur.
 
Skila þarf inn þremur eintökum af hverri tilnefndri bók. 
 
Bókum skal skila í þjónustuver/afgreiðslu Reykjavíkurborgar, Borgartúni 12-14, 105 Reykjavík. 
 
Vinsamlegast látið fylgja með skjal þar sem tekið er fram titill, höfundur/-ar og forlag tilnefndra bóka. 
 
Merkja skal sendinguna:  Reykjavík bókmenntaborg UNESCO v. Barnabókaverðlauna Reykjavíkurborgar 
2026.
 
Síðasti skiladagur: 15. janúar 2027, kl. 15:00.

Markmið

Barnabókaverðlaun Reykjavíkurborgar eiga sér lengsta sögu barnabókaverðlauna á landinu og er helsta markmið þeirra að vekja athygli á því sem vel er gert í bókaútgáfu fyrir unga lesendur og hvetja þá til bóklesturs. 

Verðlaun

Verðlaunin eru veitt rithöfundum, myndhöfundum og þýðendum barnabóka fyrir metnaðarfullar ritsmíðar og þýðingar fyrir börn. Markmið þessara virtu verðlauna er að vekja athygli á þýðingu góðra bókmennta fyrir börn og ungmenni og því sem vel er gert á þessum mikilvæga vettvangi íslenskrar bókaútgáfu.

Verðlaunin eru því þrískipt, þ.e. veitt eru verðlaun fyrir bestu frumsömdu íslensku barnabókina, bestu þýðingu á barnabók yfir á íslensku og bestu myndlýsingu í íslenskri barnabók. 

Fimmtán bækur, fimm í hverjum flokki, eru tilnefndar; fyrir bestu frumsömdu barna- og unglingabókina, bestu þýðingu á erlendri barna- og unglingabók og fyrir bestu myndlýsingu. 

Dómnefnd

Dómnefnd til verðlaunanna er skipuð til eins árs í senn af menningar- íþrótta- og tómstundaráði. Hana skipa þrír fulltrúar. Einn samkvæmt tilskipun Reykjavíkur bókmenntaborgar UNESCO, annar samkvæmt tilskipun Rithöfundasambands Íslands og þriðji samkvæmt tilskipun Fyrirmyndar – félags myndhöfunda á Íslandi.  

Reglur um Barnabókaverðlaun Reykjavíkurborgar