Byggjum borg fyrir fólk

Opinn kynningarfundur borgarstjóra um húsnæðismál verður haldinn 20. mars 2026 kl. 9 í Ráðhúsi Reykjavíkur.

Reykjavík stendur frammi fyrir stórum og mikilvægum verkefnum í húsnæðismálum. Á þessum opna kynningarfundi borgarstjóra ræðum við hvernig við byggjum borg fyrir fólk, borg þar sem fólk á að eiga kost á öruggu heimili, góðum lífsgæðum og raunhæfum valkostum, óháð stöðu eða efnahag.

Við förum yfir stöðuna á húsnæðismarkaði, uppbyggingu í hverfum borgarinnar og nýjar leiðir í skipulagi. Markmiðið er skýrt: að tryggja gæði í hinu byggða umhverfi, auka framboð íbúða og byggja mannvæna, sjálfbæra borg til framtíðar.

Skráning á kynningarfund borgarstjóra

Staður og stund

Verið velkomin í Ráðhús Reykjavíkur föstudaginn 20. mars kl. 9:00-10:30 eða fylgist með í streymi. Húsið opnar kl. 8:30, léttur morgunverður.

Spurt og svarað

Hvers vegna heldur Reykjavíkurborg opinn fund um húsnæðismál?

Til að fara yfir stöðuna með gagnsæjum hætti, kynna næstu skref í uppbyggingu og eiga samtal við íbúa og hagaðila. Húsnæðismál snerta lífsgæði, réttindi og framtíð borgarinnar og því er mikilvægt að upplýsa og hlusta.

Hvar er verið að byggja og hvað er fram undan?

Uppbygging er í gangi víða um borgina, meðal annars á Ártúnshöfða og í undirbúningi í Höllum og Hamrahlíðarlandi. Einnig eru ný skipulagssvæði í mótun. Markmiðið er að dreifa uppbyggingu, styrkja hverfi og tryggja fjölbreytt framboð íbúða.

Hvernig tryggir borgin gæði í hinu byggða umhverfi?

Með skýrum kröfum um borgarhönnun, þéttleika, græn svæði, þjónustu og samgöngur. Gæði skipta máli til langs tíma, bæði fyrir íbúa og rekstur borgarinnar. Áhersla er á mannvænt skipulag og sjálfbæra þróun.

Hvernig er unnið að því að auka aðgengi að húsnæði fyrir ungt fólk og tekjulægri hópa?

Með samstarfi við verkalýðshreyfinguna og stuðlar að uppbyggingu félagslegs húsnæðis. Unnið er að lausnum sem styðja fyrstu kaupendur og leigjendur og draga úr ójöfnuði á markaði.