No translated content text
Stöðubrot
Útdráttur úr umferðarlögum 77/2019 og reglugerð um umferðarmerki 250/2024
Umferðarmerki- bannað að leggja
Bann við stöðvun eða lagningu ökutækis sem gefið er til kynna með umferðarmerki, bannað að leggja ökutæki.
Lagning ökutækis
Ökutæki komið fyrir í kyrrstöðu, með eða án ökumanns. Stöðvun ökutækis í minna en þrjár mínútur eða til að hleypa farþegum inn eða út eða vegna lestunar og losunar farms telst þó ekki lagning þess.
Umferðarmerki - bannað að stöðva
Bann við stöðvun eða lagningu ökutækis sem gefið er til kynna með umferðarmerki, bannað að stöðva ökutæki.
Stöðvun ökutækis
Stutt hlé sem ökumaður ákveður sjálfur að gera á akstri sínum og ekki er tilkomið vegna annarrar umferðar, umferðarmerkja, fyrirmæla lögreglu eða þess háttar.
Umferðarmerki - bannað að leggja á svæði
Bann við stöðvun / lagningu ökutækis sem gefið er til kynna með umferðarmerki. Mörk svæðis þar sem heimild til að leggja ökutæki er takmörkuð.
Gangbraut
Eigi má stöðva ökutæki eða leggja því á gangbraut eða innan 5 metra frá henni.
Gangbraut
Gangbraut er sérstaklega merktur hluti vegar með umferðarmerki og yfirborðsmerkingum sem er ætlaður gangandi vegfarendum til að komast yfir akbraut.
Vegamót
Eigi má stöðva ökutæki eða leggja því á vegamótum eða innan 5 metra frá næstu brún akbrautar á þvervegi.
Vegamót
Þar sem vegir mætast eða skerast eða vegur greinist.
Biðstöð hópbíla
Að undanskildum þeim ökutækjum sem stæði eru ætluð er bannað að stöðva eða leggja ökutæki á biðstöð hópbifreiða innan 15 metra frá merki.
Hópbifreið:
Bifreið sem ætluð er til flutnings fleiri en átta farþega, einnig þótt bifreiðin sé jafnframt ætluð til annarra nota.
Bílastæði fyrir fatlað fólk
Að undanskildum þeim ökutækjum sem stæði eru ætluð er bannað að stöðva eða leggja ökutæki á merktu stæði fyrir ökutæki fatlaðs fólks.
Stæðiskort fyrir hreyfihamlaða
Eingöngu handhafa stæðiskorts fyrir hreyfihamlaða er heimilt að leggja ökutæki í bifreiðastæði sem ætlað er fyrir fatlaða og auðkennt með þar til gerðu umferðarmerki eða þar sem á annan hátt er sannanlega gefið til kynna að um stæði fyrir ökutæki hreyfihamlaðs einstaklings sé að ræða. (1.mgr. 87.gr)
Gangstétt, göngugötur, umferðareyjar og fleira.
Eigi má stöðva skráningarskylt ökutæki eða leggja því á stöðum sem ekki eru ætlaðir fyrir umferð slíkra ökutækja, svo sem gangstétt, göngustíg, göngugötu, hjólarein eða hjólastíg nema annað sé ákveðið, sbr. 1. mgr. 84. gr. Sama á við um umferðareyjar, grassvæði og aðra svipaða staði.
Gangstétt:
Sá hluti vegar til hliðar við akbraut sem aðallega er ætlaður gangandi vegfarendum.
Göngugata:
Göturými sem aðallega er ætlað gangandi vegfarendum og er merkt sem slíkt. Umferð annarra ræðst af merkingum og ákvæðum laga þessara.
Göngustígur:
Stígur sem aðallega er ætlaður umferð gangandi vegfarenda og er merktur þannig.
Hjólarein:
Sérrein á götustæði sem ætluð er umferð reiðhjóla og léttra bifhjóla í flokki I og merkt þannig.
Hjólastígur:
a. Sá hluti vegar sem eingöngu er ætlaður umferð reiðhjóla og léttra bifhjóla í flokki I, er merktur þannig og er greinilega aðskilinn frá akbraut, t.d. með umferðareyju eða kantsteini.
b. Stígur sem er ekki hluti vegar og eingöngu ætlaður umferð reiðhjóla og léttra bifhjóla í flokki I og er merktur þannig.
Annað
Annað skv. 84. gr. og 1. mgr 86. gr.
Leigubílastæði
Að undanskildum þeim ökutækjum sem stæði eru ætluð er bannað að stöðva eða leggja ökutæki á merktu stæði fyrir leigubifreið, vörubifreið eða hópbifreið.
Vistgata
Skráningarskyldum ökutækjum má ekki leggja í vistgötu nema á merktum stæðum.
Öfugt við akstursstefnu
Á vegi má einungis stöðva ökutæki eða leggja því hægra megin. Þar sem einstefnuakstur er má þó setja aðrar reglur, sbr. 1. mgr. 84. gr.
Skyggt á umferðarmerki
Eigi má stöðva ökutæki eða leggja því þannig að skyggi á umferðarmerki eða umferðarljós.
Veggöng, undir eða á brú
Eigi má stöðva ökutæki eða leggja því í veggöngum, undir brú eða á brú, nema sérstaklega sé ráð fyrir því gert.
Blindhæð eða beygja
Eigi má stöðva ökutæki eða leggja því í eða við blindhæð eða beygju eða annars staðar þar sem vegsýn er skert.
Óbrotin deililína
Eigi má stöðva ökutæki eða leggja því þar sem akbraut er skipt í akreinar með óbrotinni mið- eða deililínu milli akreina eða svo nálægt slíkri línu að torveldi akstur inn á rétta akrein.
Hringtorg
Eigi má stöðva ökutæki eða leggja því á hringtorgi.
Hringtorg
Vegamót þar sem hringlaga svæði er í miðjunni með akbraut umhverfis.
Vörubílastæði
Að undanskildum þeim ökutækjum sem stæði eru ætluð er bannað að stöðva eða leggja ökutæki á merktu stæði fyrir leigubifreið, vörubifreið eða hópbifreið.
Vörubifreið
Bifreið sem aðallega er ætluð til farmflutninga, er með leyfða heildarþyngd meiri en 3,5 tonn og er að hámarki fyrir átta farþega. Sama gildir um flutningabifreið.
Hópbifreiðastæði
Að undanskildum þeim ökutækjum sem stæði eru ætluð er bannað að stöðva eða leggja ökutæki á merktu stæði fyrir leigubifreið, vörubifreið eða hópbifreið.
Hópbifreið
Bifreið sem ætluð er til flutnings fleiri en átta farþega, einnig þótt bifreiðin sé jafnframt ætluð til annarra nota.
Stæði ætlað bifreið til rafhleðslu
Að undanskildum þeim ökutækjum sem stæði eru ætluð er bannað að stöðva eða leggja ökutæki á merktu stæði ætluðu bifreið til rafhleðslu.
Lögreglu- og sjúkrabifreiðastæði
Að undanskildum þeim ökutækjum sem stæði eru ætluð er bannað að stöðva eða leggja ökutæki á merktu stæði ætluðu lögreglu eða sjúkrabifreið.
Reiðhjólastæði
Að undanskildum þeim ökutækjum sem stæði eru ætluð er bannað að stöðva eða leggja ökutæki á merktu stæði ætluðu reiðhjóli.
Reiðhjól
- Ökutæki sem er knúið áfram með stig- eða sveifarbúnaði.
- Hjól með stig- eða sveifarbúnaði, búið rafknúinni hjálparvél þar sem samfellt hámarksafl er allt að 0,25 kW og afköstin minnka smám saman og stöðvast alveg þegar hjólið hefur náð hraðanum 25 km á klst. eða fyrr ef hjólreiðamaðurinn hættir að stíga hjólið.
- Annað lítið vélknúið ökutæki sem ekki telst til létts bifhjóls og er hannað til aksturs á hraða frá 6 km á klst. upp í 25 km á klst. Undir þessa skilgreiningu fellur m.a. vélknúið hlaupahjól og tvíhjóla ökutæki á einum öxli. Slíkum farartækjum má ekki aka á akbraut.
Bifhjólastæði
Að undanskildum þeim ökutækjum sem stæði eru ætluð er bannað að stöðva eða leggja ökutæki á merktu stæði ætluðu bifhjóli.
Bifhjól:
Vélknúið ökutæki sem ekki telst bifreið, dráttarvél eða torfærutæki og er aðallega ætlað til farþega- eða farmflutninga, á tveimur hjólum, með eða án hliðarvagns, eða á þremur eða fleiri hjólum með sprengirými yfir 50 [cm 3] sé það búið brunahreyfli og hannað til hraðari aksturs en 45 km á klst.
Fólksbílastæði
Að undanskildum þeim ökutækjum sem stæði eru ætluð er bannað að stöðva eða leggja ökutæki á merktu stæði ætluðu fólksbifreiðum.
Innkeyrslur
Eigi má leggja ökutæki að hluta eða í heild fyrir framan innkeyrslu að húsi eða lóð.
Við hlið annars ökutækis við brún akbrautar
Eigi má leggja ökutæki við hlið ökutækis sem stendur við brún akbrautar, annars en reiðhjóls eða létts bifhjóls.
Snúningshaus botnlangagötu
Eigi má leggja ökutæki í snúningshaus botnlangagötu.
Hindrar aðgang
Eigi má leggja ökutæki þannig að hindri aðgang að öðru ökutæki eða færslu þess af staðnum.
Vatnshani
Eigi má leggja ökutæki við vatnshana slökkviliðs.
Veghaldari eða eftir atvikum landeigandi getur, að höfðu samráði við lögreglu, bannað stöðu eftirvagna, báta, húsbíla og annarra svipaðra tækja á götum og almennum bifreiðastæðum sem þykja valda óþægindum, óþrifnaði eða hættu.