Skólasóknarreglur
Foreldrar bera ábyrgð á að barn þeirra sæki skóla reglulega. Jafnframt bera þeir ábyrgð á námi barnsins og að fylgjast með námsframvindu þess í samstarfi við barnið sjálft og kennara.
Skóla- og frístundasvið Reykjavíkurborgar hefur sett fram verklag sem fylgja á þegar misbrestur verður á skólasókn barns í grunnskóla.
Verklagið tekur til fjarveru vegna seinkoma, fjarvista, veikinda og leyfa. Verklagið tekur mið af lögum um farsæld barna og stigskiptum stuðningi og felur í sér virkt samstarf heimilis og skóla til að mæta þörfum barns.
Viðmið um skólasókn
Skólasókn er skilgreind sem:
-
Viðunandi: Fjarvist í 9 daga eða færri.
-
Hættumerki: Fjarvist í 10-17 daga.
-
Langvarandi fjarvera: Fjarvist í 18+ daga.
Veikindi og leyfi eru talin í heilum dögum. Þetta á þó engöngu við þegar ekki liggja fyrir eðlilegar og viðeigandi skýringar á fjarvistum. Miðað er við 180 skóladaga á skólaári.
2 stig fyrir 40 mínútur
3 stig fyrir 60 mínútur
Viðmið um skólasókn
Viðmið 1
10 fjarvistarstig vegna fjarveru, veikinda- eða leyfisstunda - 5 veikinda-/leyfisdagar
Umsjónarkennari ræðir við barn og haft er samband heim.
Viðmið 2
30-50 fjarvistarstig vegna fjarveru, 20 veikinda- eða leyfisstunda - 10 veikinda-/leyfisdagar.
Umsjónarkennari kallar til annan sérfræðing innan skóla eða tengilið farsældar. Boðað er til fundar með foreldrum. Veitt er leiðsögn og útbúin áætlun um bætta skólasókn.
Viðmið 3
60-70 fjarvistarstig vegna fjarveru, 30 veikinda- eða leyfisstunda - 15 veikinda-/leyfisdagar.
Beiðni er send til lausnarteymis. Umsjónarkennari kallar til tengilið farsældar og/eða skólastjóra, fundað er með foreldrum. Áætlun um bætta skólasóknendurskoðuð í samvinnu við foreldra og umsjónarkennara.
Viðmið 4
80-100 fjarvistarstig vegna fjarveru, 40 veikinda- eða leyfisstunda - 20 veikinda-/leyfisdagar.
Máli barns vísað til umfjöllunar í nemendaverndarráði. Aðkoma annarra kerfa skoðuð, svo sem skólaþjónustu, velferðarþjónustu og/eða heilbrigðiskerfis. Áætlun um bætta skólasókn endurskoðuð í samvinnu við foreldra og umsjónarkennara.
Viðmið 5
110+ fjarvistarstig vegna fjarveru, 50 veikinda- eða leyfisstunda - 30 veikinda-/leyfisdagar.
Skóli tilkynnir skólasókn til skóla- og frístundasviðs og barnaverndarþjónustu. Áætlun um bætta skólasókn endurskoðuð í samvinnu við foreldra og umsjónarkennara.
Hvað getur foreldri gert?
-
Kennt barninu þínu strax í leikskóla að hver dagur skiptir máli og að það skiptir máli að mæta á réttum tíma.
-
Haldið reglu á háttatímum og gætt þess að barnið fái nægan svefn.
-
Haft öll föt og gögn tiltæk fyrir barnið kvöldið áður svo sem bækur, ritföng, íþrótta- og sundföt.
-
Auðveldað aðlögun með því að hitta nýjan kennara með barninu.
-
Gætt þess að halda barninu ekki heima nema það sé raunverulega veikt. Höfuð- eða magaverkir geta verið merki um kvíða en þurfa ekki endilega að vera ástæða til að vera heima.
-
Talað við kennarann ef barnið virðist kvíðið því að fara í skólann.
-
Reynt að raska skóladeginum sem minnst vegna annarra erinda svo sem læknisheimsókna og öðru slíku.
Vissir þú?
-
Barn getur dregist aftur úr námi þótt það missi aðeins úr 1-2 daga á nokkurra vikna fresti.
-
Ítrekaðar seinkomur í upphafi dags geta haft áhrif á nám, líðan og félagslega stöðu.
-
Mikil fjarvera getur haft áhrif á allan námshópinn ef kennari þarf að aðstoða einstaka nemendur við að vinna upp tapaðar skólastundir.
-
Góð skólasókn styður jákvæða sjálfsmynd nemanda í skólanum og getur verið einn af grundvallarþáttum vellíðunar barns í skóla.
-
Góð skólasókn getur stutt við farsæld nemenda í framtíðarnámi og -starfi
Hafðu í huga
-
Gott og reglulegt samstarf við umsjónarkennara eykur traust og skilning.
-
Umsjónarkennari gætir hagsmuna barnsins í skólanum.
-
Skyldur umsjónarkennara og skólans er að fylgjast með og skrá mætingar. Þegar tilteknum stiga- eða dagafjölda er náð sem Skóla- og frístundasvið hefur skilgreint fer af stað ákveðið ferli.
-
Ef foreldri telur sig vanbúið til að sinna skyldum sínum gagnvart barni sem forðast að mæta í skóla er mikilvægt að muna að skólinn og þjónustueiningar borgarinnar eru til reiðu.
-
Ef ekki tekst að leysa skólasóknarvanda með lausnum sem þessir aðilar leggja til er málinu vísað til Barnaverndar Reykjavíkur og skólayfirvalda.
-
Miðlæg þjónusta er til fyrir born, skóla og fjölskyldurnar í borginni. Þar er hægt að bóka viðtal ef þörf krefur.
