Áður en sótt er um starfsleyfi
Rekstraraðila ber að sækja um starfsleyfi til Heilbrigðiseftirlits Reykjavíkur áður en starfsemi hefst.
Heilbrigðiseftirlitið gefur út starfsleyfi fyrir eftirfarandi atvinnurekstur
- Atvinnurekstur í framleiðslu eða dreifingu matvæla samkvæmt lögum nr. 93/1995 um matvæli
- Atvinnurekstur sem getur haft í för með sér mengun samkvæmt lögum nr. 7/1998 um hollustuhætti og mengunarvarnir
- Atvinnurekstur og stofnanir sem veita almenningi þjónustu samkvæmt lögum nr. 7/1998 um hollustuhætti og mengunarvarnir
Rekstraraðila ber að sækja um starfsleyfi til Heilbrigðiseftirlits Reykjavíkur áður en starfsemi hefst.
Rekstrarleyfi
Athygli er vakin á því að ef ætlunin er að reka gististað eða veitingastað þarf einnig að sækja um rekstrarleyfi til sýslumannsins á höfuðborgarsvæðinu, nema annað hafi verið ákveðið í lögum (sjá nánar í töflu hér að neðan).
Vakin er athygli á að þeir sem ætla að reka heimagistingu, sbr. lög nr. 85/2007 um veitingastaði, gististaði og skemmtanahald, með síðari breytingum, og reglugerð nr. 1277/2016 um veitingastaði, gististaði og skemmtanahald, þurfa að skrá starfsemina hjá sýslumanninum á höfuðborgarsvæðinu eða á miðlægu vefsvæði sem sýslumaður heldur utan um.
Afnotaleyfi
Þegar sótt er um leyfi fyrir matsöluvagni, sölubás eða matvælamarkaði þarf umsækjandi að hafa afnotaleyfi fyrir götu- og torgsölu frá umhverfis- og skipulagssviði Reykjavíkurborgar.
Hvaða leyfi þarf ég?
| Fyrirtæki / starfsemi | Starfsleyfi Heilbrigðiseftirlits Reykjavíkur | Rekstrarleyfi sýslumanns | Skráningarskylda / tilkynningarskylda | Götu- og torgsöluleyfi |
|---|---|---|---|---|
| Veitingastaðir (þ.m.t. veitingahús, skyndibitastaðir, krár, kaffihús, samkomusalir og veisluþjónusta) | X | X (aðeins veitingastaðir með áfengisveitingar í flokki II og III) | ||
| Gististaðir (þ.m.t. hótel, gistiheimili, heimagisting, íbúðagisting) | X (ekki heimagisting) | X (ekki heimagisting) | Heimagisting (hámark 90 dagar á hverju almanaksári) | |
| Matvöruverslanir | X | |||
| Innflutningur á fæðubótarefnum og sala | X | |||
| Heildverslun með matvæli | X | |||
| Framleiðsla matvæla (þ.m.t. pökkun) | X | |||
| Mötuneyti | X | |||
| Flutninga- og dreifingarmiðstöðvar með matvæli | X | |||
| Söluturnar (sjoppur) | X | |||
| Vatnsveitur | X | |||
| Matsöluvagnar | X | X | ||
| Sölubásar / matvælamarkaðir | X | X | ||
| Framleiðendur og/eða innflytjendur matvælasnertiefna | X | |||
| Framleiðendur matjurta | X (ræktun, pökkun og önnur vinnsla) | X (aðeins ræktun) |
Umsagnir vegna rekstrarleyfa
Matvælaeftirlitið veitir umsagnir til sýslumannsins á höfuðborgarsvæðinu vegna útgáfu rekstrarleyfi til veitingastaða og gististaða skv. lögum nr. 85/2007 um veitingastaði, gististaði og skemmtanahald.
Leyfadeild sýslumannsins á höfuðborgarsvæðinu, sími 458 2000, veitir allar nánari upplýsingar um rekstrarleyfi. Vegna vinnu við umsagnir vegna tækifærisleyfa greiðist tímagjald til Heilbrigðiseftirlits Reykjavíkur. Tímagjald er samkvæmt gildandi gjaldskrá Heilbrigðiseftirlits Reykjavíkur.