Mannauðsstefna

Teikning af fólki að spjalla saman.

Reykjavíkurborg hefur sett sér mannauðsstefnu til ársins 2035.

Tilgangur mannauðsstefnu er að þróa Reykjavíkurborg áfram sem eftirsóknarverðan vinnustað þar sem öflugt starfsfólk tryggir framúrskarandi starfsemi og þjónustu, fyrir íbúa, gesti og lögaðila.

Mannauðsstefna Reykjavíkurborgar 2026-2035

Leiðarljós mannauðsstefnu

Leiðarljósin eru fjögur og snúast um markvissar og jákvæðar umbætur sem raungera framtíðarsýn stefnunnar.

Einn vinnustaður

Samræmd ferli og stafrænar lausnir fyrir alla starfsstaði, umsækjendur, starfsfólk og stjórnendur.

Gott starfsumhverfi

Starfsumhverfi allra er gott, öruggt og heilsueflandi og stuðlar að vellíðan og starfsánægju.

Öflugt starfsfólk

Öflugt starfsfólk velur að starfa og þróast á vinnustað samvinnu og fjölbreytileika.

Sterkir stjórnendur

Stjórnendur hafa skýra ábyrgð, hæfni til að leiða og þann stuðning sem þarf til að ná árangri.

Með leiðarljósin fjögur í huga göngum við sem einn vinnustaður til móts við framtíðina þar sem öflugu starfsfólki er búið gott starfsumhverfi og tækifæri til að blómstra í samvinnu við sterka stjórnendur.

Framtíðarsýn

Reykjavíkurborg er einn vinnustaður þar sem öflugu starfsfólki er búið gott starfsumhverfi og tækifæri til að blómstra í samvinnu við sterka stjórnendur.

Teikning af þremur manneskjum sem standa hlið við hlið.

Aðgerðaáætlun

  • Aðgerðaáætlun mannauðsstefnu er uppfærð árlega eða oftar, undir forystu stjórnenda mannauðs- og starfsumhverfissviðs og lögð fyrir borgarráð til samþykktar.
  • Aðgerðaáætlanir allra undirstefna eru jafnframt endurskoðaðar árlega eða oftar til að tryggja samræmi við leiðarljós, áherslur og aðgerðir mannauðsstefnu.
  • Aðgerðir í aðgerðaáætlun mannauðsstefnu og undirstefna eiga að vísa í viðeigandi leiðarljós og áherslur mannauðsstefnu fyrir samhengi og rekjanleika.