Teymisstjóri eftirlits hjá Barnavernd Reykjavíkur

Barnavernd Reykjavíkur auglýsir eftir skipulögðum og metnaðarfullum einstakling í starf teymisstjóra eftirlits. Barnavernd Reykjavíkur ber ábyrgð á málum sem unnin eru á grundvelli barnaverndarlaga og heyrir undir velferðarsvið Reykjavíkurborgar.

Um nýtt starf er að ræða og er starfshlutfall 100%.

Meðal helstu verkefna teymisstjóra eftirlits er ábyrgð á skipulagi umgengni fyrir tímabundnar vistanir, skipulag óboðaðs eftirlits í samstarfi við ráðgjafa, deildarstjóra og foreldra. Teymisstjóri skipuleggur jafnframt vaktir starfsmanna eftirlits, útdeilir verkefnum og hefur yfirsýn og umsjón með bókunum í eftirlitsrými. Starf teymisstjóra heyrir undir skrifstofustjóra.

Í samræmi við mannréttindastefnu Reykjavíkurborgar og velferðarstefnu er lögð áhersla á að starfsstaðir velferðarsviðs endurspegli fjölbreytileika samfélagsins. Við hvetjum því fólk af öllum kynjum, fatlað fólk og fólk með fjölbreyttan menningarlegan bakgrunn til að sækja um starfið.

Helstu verkefni og ábyrgð

• Ábyrgð á skipulagningu óboðaðs eftirlits.
• Ábyrgð á skipulagningu umgengni undir eftirliti í samráði við önnur teymi.
• Ráðningar og mönnun eftirlitsteymis og vaktaskipulag.
• Umsjón með eftirlitsrými og yfirsýn bókana í rýmið.
• Útbúa umsagnir skv. beiðni Gæða- og eftirlitsstofnunar velferðarmála vegna veitingu á 84. gr. leyfum.
• Ábyrgð á innra eftirliti vegna barna í vistun og fóstri í samstarfi við framkvæmdastjórn.

Hæfniskröfur

• Starfsréttindi í félagsráðgjöf eða önnur sambærileg háskólamenntun sem nýtist í starfi.
• Þekking og reynsla af barnaverndarstarfi.
• Þekking og reynsla af vinnu með börnum og fjölskyldum.
• Framúrskarandi lipurð í mannlegum samskiptum.
• Frumkvæði, skipulagshæfni og sjálfstæði í vinnubrögðum.
• Íslenskukunnátta C1 og enskukunnátta B2 samkvæmt samevrópskum tungumálaramma
• Ökuréttindi B
• Hreint sakavottorð í samræmi við lög sem og reglur Reykjavíkurborgar.

Við bjóðum upp á

• 36 stunda vinnuviku í fullu starfi
• Heilsustyrk
• Menningarkort og frítt í sund
• Samgöngusamning

Laun eru samkvæmt samningi Reykjavíkurborgar og viðkomandi stéttarfélags.

Nánari upplýsingar um starfið veitir Þyrí Steingrímsdóttir í sími 4119200 eða á thyri.steingrimsdottir@reykjavik.is