Umsjónarkennari á yngra stigi við Ártúnsskóla

Laus er til umsóknar staða umsjónarkennara á yngra stigi við Ártúnsskóla í 80 – 100% stöðu frá og með 1. ágúst 2026.

Ártúnsskóli er samrekinn leikskóli, grunnskóli og frístundaheimili þar sem áhersla er lögð á að allir fái að njóta sín í leik og starfi. Hlutverk Ártúnsskóla, í samvinnu við heimilin, er að stuðla að alhliða þroska nemenda og leggja grunn að virkri þátttöku þeirra í lýðræðisþjóðfélaði.

Nemendur í skólanum eru u.þ.b. 225. Í grunnskólanum eru 165 nemendur og í leikskólanum 60 börn ár hvert. Einkunnarorð skólans eru ÁRANGUR - VIRÐING - VELLÍÐAN. Einkunnarorðin endurspegla áherslur skólastarfsins. Stefnt er að framúrskarandi árangri, virðing borin fyrir fólki og umhverfi og fjölbreytileikanum fagnað.

Leitað er að metnaðarfullum einstaklingi sem býr yfir frumkvæði og góðri fagþekkingu á skólastarfi og vill bætast í okkar góða hóp.

Umsókn fylgi ferilskrá, menntunargögn og annað er málið varðar. Frekari upplýsingar um skólann má nálgast á heimasíðu hans https://artunsskoli.reykjavik.is/

Helstu verkefni og ábyrgð

· Annast kennslu nemenda í samráði við aðra kennara og skólastjórnendur.

· Stuðla að velferð nemenda í samstarfi og samráði við foreldra og annað fagfólk.

· Vinna samkvæmt stefnu skólans og taka þátt í skólaþróunarvinnu.

Menntunar- og hæfniskröfur

· Kennaramenntun og leyfisbréf kennara

· Reynsla af kennslu barna á yngra stigi er æskileg

· Lipurð og færni í mannlegum samskiptum

· Reynsla og áhugi á að starfa með börnum

· Frumkvæði í starfi og faglegur metnaður

· Mjög góð íslenskukunnátta er skilyrði

· Hreint sakarvottorð.

Laun eru samkvæmt samningi Sambands íslenskra sveitarfélaga og Kennarasambands Íslands v/Félags grunnskólakennara

Nánari upplýsingar um starfið veitir Ellen Gísladóttir skólastjóri í síma 411-7670 og tölvupósti ellen.gisladottir@reykjavik.is