Skjáheimsóknir

Í skjáheimsókn fer fram myndsímtal milli starfsmanns heimaþjónustu og íbúa, þar sem boðið er upp á fjölbreytta þjónustu. Notendur fá spjaldtölvu á meðan á þjónustunni stendur. Allir íbúar sem fá veitta heimaþjónustu geta fengið skjáheimsóknir í stað eða samhliða hefðbundnum innlitum. Verkefnið hefur verið í þróun frá árinu 2020 og stefnt er að fullri innleiðingu í byrjun árs 2023.

Markmið

Skjáheimsóknir gera heimaþjónustu Reykjavíkurborgar kleift að bjóða upp á aukna og fjölbreyttari þjónustu fyrir ólíka hópa fólks. Í skjáheimsókn er markmiðið að þjónustan sé sniðin að þörfum hvers og eins með aukinni þátttöku, og valdeflingu notenda að leiðarljósi. Notendur fá þann stuðning sem þeir þurfa, á þeim tíma dags þegar þeir þurfa. Skjáheimsóknir geta tryggt þjónustu við ófyrirsjáanlegar aðstæður, t.d. vegna óveðurs eða heimsfaraldrar.

Árangur prófanna

Notendasamráð tryggir að þessi nýja þjónustuleið verði innleidd í samræmi við þarfir notenda heimaþjónustu. Árangursmælingar sýna að notendur eru ánægðir með þjónustuna, upplifa öryggi og finnst tæknin vera einföld í notkun.