Strandsjór
Frá því í apríl 2003 hafa örverufræðileg gæði strandsjávar í Reykjavík verið vöktuð. Sýni eru tekin á 12 stöðum meðfram strandslengjunni. Vöktunin fer fram frá apríl til október hvert ár.
Einnig vakta Heilbrigðiseftirlit Reykjavíkur og Orkuveita Reykjavíkur þynningarsvæði viðtaka skólphreinsistöðvanna. Það fer líka fram reglubundið heilbrigðiseftirlit með Ylströndinni í Nauthólsvík.
Nánar
Helstu uppsprettur mengunar í strandsjó í Reykjavík eru ofanvatn/yfirföll dælustöðva, rangar tengingar skólplagna, náttúrulegur uppruni – fuglar og dýr og losun skólps frá skipum og smábátum. Heilbrigðiseftirlit Reykjavíkur vaktar reglubundið strandsjó borgarinnar en eitt af hlutverkum heilbrigðisnefnda er að fylgjast með að ákvæði reglugerðar nr. 796/1999 um varnir gegn mengun vatns séu uppfyllt.
Vöktunarþættir og viðmið
Þeir þættir sem vaktaðir eru: hitastig, saurkólí/enterókokkar. Skv. reglugerð nr. 796/1999 fyrir örverumengun telst ásættanlegt ef vötn falla í I-II flokk (sjá nánar um umhverfismörk fyrir mismunandi efni í fylgiskjali reglugerðar nr. 796/1999).
Vöktun á vatnsgæðum
Árið 2010 var gefin út skýrsla um vöktum á vatnsgætum strandsjávar í Reykjavík 2003 - 2010.
Heilbrigðiseftirlit Reykjavíkur
- Borgartún 12, 105 Reykjavík
- Þjónustuver 411 1111