Græn skuldabréf

Reykjavíkurborg hefur sett sér Grænan ramma (Green Bond Framework) vegna útgáfu grænna skuldabréfa sem borgin gefur út fyrst íslenskra fyrirtækja á íslenskum markaði.
Græni ramminn
Með Græna rammanum eru skilgreind nokkur mikilvæg atriði varðandi græna skuldabréfaútgáfu borgarinnar, s.s.:
- Hvaða fjárfestingar geta fallið undir fjármögnun Reykjavíkurborgar með grænum skuldabréfum
- Hvernig staðið er stjórnsýslulega að því að tryggja að einungis þau verkefni sem uppfylla kröfur Græna rammans verði fjármögnuð með grænum skuldabréfum
- Hvernig staðið er að því að tryggja að fjármunirnir séu eyrnamerktir völdum grænum verkefnum og haldið aðskildum frá öðrum fjármunum
- Hvernig staðið verði að skýrslugjöf um framkvæmdina
- Hvernig staðið verði að staðfestingu ytri endurskoðenda
- Hvernig fengin verði fagleg staðfesting á gæðum Græna rammans.
Fagleg staðfesting
Nú þegar liggur fyrir fagleg staðfesting á Grænum ramma Reykjavíkurborgar frá CICERO (Center for International Climate Research) en flestir útgefendur grænna skuldabréfa í Evrópu leita til þeirra miðstöðvar sem er leiðandi í alþjóðlegum loftslagsrannsóknum og baráttunni gegn loftslagsbreytingum. Samkvæmt mati CICERO fær Grænn rammi Reykjavíkurborgar hæstu einkunn, dökkgrænan (Dark Green), og allir undirflokkar og verkefni fá einnig dökkgræna einkunn.
Verkefni
Meðal verkefna sem geta fallið undir Græna rammann er t.a.m. uppbygging Borgarlínu, lagning hjólreiðastíga og göngustíga, LED væðing götulýsingar, hleðslustöðvar fyrir rafbíla og fleira sem sparar orku og dregur úr losun gróðurhúsalofttegunda.
Einkunn
Litið er sérstaklega til stjórnsýslulegs fyrirkomulags hjá Borginni sem fær hæstu einkunn eða framúrskarandi (Excellent).
Lykilskjöl
- City of Reykjavík - Green Bond Framework
- RVKG 48 1 Terms of Bond
- RVKNG 40 Terms of Bond
- Green Bond Impact Report - Independent Auditor´s Assurance Report 2021
- Green Bond Impact Report - Independent Auditor’s Assurance Report 2020
- Green Bond Impact Report - Independent Auditor’s Assurance Report 2019
- Green Bond Impact Report - Independent Auditor’s Assurance Report 2018
- City of Reykjavík - Financial statement 2019
- City of Reykjavík - Financial statement 2018
- CICERO's Second Opinion on the City of Reykjavik Green Bond Framework
- Case Study: City of Reykjavík Green Bond Issue from Fossar
- Case Study: "First green bond issuer" from Circular