Íþrótta- og tómstundaráð – starfaði til 2022
ÍÞRÓTTA- OG TÓMSTUNDARÁÐ
Ár 2011, föstudaginn 11. nóvember var haldinn 149. fundur íþrótta- og tómstundaráðs Reykjavíkur. Fundurinn var haldinn í Höfðatorgi og hófst kl. 11:11. Mættir: Eva Einarsdóttir formaður, Eva Baldursdóttir, Karl Sigurðsson, Stefán Benediktsson, Marta Guðjónsdóttir og Geir Sveinsson. Ennfremur: Hermann Valsson áheyrnarfulltrúi, Ingvar Sverrisson ÍBR, Bragi Þór Bjarnason fjármálastjóri, Steinþór Einarsson skrifstofustjóri, Gísli Árni Eggertsson skrifstofustjóri, Ómar Einarsson framkvæmdastjóri og Helga Björnsdóttir skrifstofustjóri sem ritaði fundargerð.
Þetta gerðist:
1. Lagt fram bréf framkvæmdastjóra ÍBR dags. 31. okt. sl. þar sem tilkynnt er að Ingvar Sverrisson verði áheyrnarfulltrúi ÍBR á fundum íþrótta- og tómstundaráðs og Frímann Ari Ferdinandsson til vara.
Jafnframt er óskað eftir tilnefningu íþrótta- og tómstundaráðs til setu á fundum stjórnar ÍBR.
Samþykkt að Eva Einarsdóttir verði fulltrúi íþrótta- og tómstundaráðs á fundum stjórnar ÍBR og Steinþór Einarsson til vara.
2. Samþykkt að í styrkjanefnd vegna styrkumsókna til íþrótta- og tómstundaráðs vegna ársins 2012 verði Eva Baldursdóttir, Hermann Valsson, Ragnar Hansson og Geir Sveinsson.
3. Lagt fram bréf skrifstofu borgarstjórnar dags. 19. okt. sl. vegna samþykktar borgarstjórnar á tillögum um stefnumótun í málefnum ungs fólks.
4. Lagt fram bréf hverfisráðs Breiðholts dags. 13. okt. ásamt umsögn ráðsins um erindi Skátasambands Reykjavíkur um skátastarf í Breiðholti.
Erindinu var vísað til umsagnar hverfisráðs 21. janúar sl.
5. Lagt fram bréf Skátasambands Reykjavíkur dags. 20. október sl. með ósk um styrki.
Framkvæmdastjóra falið að óska eftir ítarlegri upplýsingum. Vísað til styrkjaúthlutunar.
kl. 11:30 kom Kjartan Magnússon á fundinn.
6. Lagðar fram ábendingar til ÍTR úr samráðsvefnum Betri Reykjavík:
Hljómskálagarður, setja upp æfingaaðstöðu.
ÍTR lýsir yfir stuðningi við hugmyndina um að setja upp æfingaaðstöðu í Hljómskálagarðinum og fagnar frábærri þátttöku og góðum hugmyndum íbúa á Betri Reykjavík. Vísað til framkvæmdaáætlunar og Framkvæmda- og eignasviðs.
Sundhöll, byggja nýtt eimbað.
Vísað til Framkvæmda- og eignasviðs.
Opnunartími sundstaða - hafa hann eins og hann var.
Í ár þurfti Reykjavíkurborg að brúa stórt fjárhagsgat þar sem m.a. þurfti að skerða afgreiðslutíma ýmissa sundlauga. Þjónusta sundstaða í Reykjavík er hins vegnar enn eins og hún gerist best hér á landi, þrátt fyrir að lokað sé fyrr um helgar á nokkrum stöðum. Benda má á að Laugardalslaugin er alltaf opin til 22:00. Þá er afgreiðslutími sundlauga alltaf í endurskoðun og í því sambandi er í skoðun hvort lengja eigi afgreiðslutíma einstaka sundstaða á sumrin til að mæta íbúum, og því er þessi hugmynd gott veganesti inn í þá vinnu.
7. Lagðar fram að nýju tilllögur Sjálfstæðisflokksins frá seinasta fundi:
Íþrótta- og tómstundaráð leggur til að á fjárhagsáætlun 2012 verði fimmtíu milljónum króna varið í styrki til viðhalds íþróttamannvirkja, sem eru í eigu íþróttafélaga í Reykjavík. Samkvæmt skýrslu KJG-ráðgjafar er viðhaldi margra íþróttamannvirkja ábótavant og sum liggja undir skemmdum vegna þess. Brýnt er að brugðist verði við og ráðist í mest aðkallandi verkefnin áður en tjón hlýst af, sem myndi leiða af sér meiri kostnað til framtíðar. Skoðað verði hvort unnt sé að standa að slíkum viðhaldsframkvæmdum í tengslum við aðgerðir Reykjavíkurborgar í atvinnumálum og/eða í samstarfi við Vinnumálastofnun.
Íþrótta- og tómstundaráð beinir því til borgarráðs að veittur verði styrkur til KFUM og –K til að unnt verði að ljúka byggingu svefnskála í Vatnaskógi. Framkvæmdir hófust 2007 og hefur Reykjavíkurborg þegar veitt styrk til verksins en vegna áfalla í efnahagslífi, hafa aðrar leiðir við fjármögnun þess að nokkru leyti brugðist. Verkið er þó vel á veg komið en töluverð vinna eftir innanhúss. Hinn nýi skáli mun fullnægja öllum kröfum eldvarna- og heilbrigðiseftirlits en eldra húsnæði er ábótavant hvað slíkar kröfur varðar. Á hverju ári dvelja þúsundir barna og ungmenna í Vatnaskógi og taka þátt í uppbyggilegu æskulýðsstarfi.
Íþrótta- og tómstundaráð leggur til að Knattspyrnufélaginu Fylki verði veittur styrkur á fjárhagsáætlun til að bæta áhorfendaaðstöðu á svæði félagsins við Fylkisveg. Íþrótta- og tómstundasviði og Framkvæmda- og eignasviði er falið að ræða við félagið um tilhögun framkvæmdarinnar og leggja fram tillögu um upphæð.
Tillögunum er vísað til meðferðar við umfjöllun um fjárhagsáætlun.
kl. 12:05 vék Karl Sigurðsson af fundi.
8. Lögð fram skýrsla um sumarstörf 2011.
Frestað.
9. Lagt fram bréf ICG dags. 12. okt. sl. vegna alþjóðaleika ungmenna 2012.
Samþykkt að óska eftir umsögn frá ÍBR.
10. Lagt fram bréf ÍBR dags. 18. okt. sl. vegna grunnskólamóts höfuðborga Norðurlanda 2012.
Frestað.
11. Lagt fram bréf Framkvæmda- og eignasviðs dags. 24. október sl. með svari við fyrirspurn frá íþrótta- og tómstundaráðsfundi sbr. sbr. 4. liður 147. fundar.
kl. 12:30 vék Bragi Þór Bjarnason af fundi.
Lögð fram bókun Sjálfstæðisflokksins:
Fulltrúar Sjálfstæðisflokksins lýsa yfir furðu og vonbrigðum með svar Framkvæmdasviðs Reykjavíkurborgar vegna forgangsröðunar battavalla á skólalóðum. Í svari Framkvæmdasviðs er fullyrt að ekki sé hægt að koma slíkum velli fyrir við Vesturbæjarskóla vegna húsa á lóð og heldur ekki við Melaskóla þar sem færanlegar kennslustofur eru á lóð fyrirhugaðs battavallar. Þessar skýringar standast ekki skoðun. Hægðarleikur er að færa umrætt hús af lóð Vesturbæjarskóla svo koma megi battavelli fyrir og einnig er hægt að koma slíkum velli fyrir á lóð Melaskóla með því að endurraða færanlegum stofum þar. Enn einu sinni skal bent á að Vesturbærinn er nú eina hverfi borgarinnar þar sem enginn battavöllur er á skólalóð og er því löngu orðið tímabært að bætt sé úr því. Í nokkrum hverfum eru nú komnir battavellir á allar skólalóðir og önnur hverfi eru langt komin. Fyrri meirihluti, hafði undir forystu Sjálfstæðisflokksins, lagt drög að því að bætt yrði úr slíkum skorti á battavöllum við skóla í Vesturbænum á árinu 2010 en eftir að nýr meirihluti tók við, var því miður horfið frá þeim fyrirætlunum. Fulltrúar Sjálfstæðisflokksins skora á Framkvæmdasvið og borgarráð að taka tillit til löngu samþykktrar forgangsröðunar vegna staðsetningar battavalla og sjá til þess að slíkur völlur verði lagður í þágu barna og ungmenna í Vesturbænum á árinu 2012.
12. Lagt fram bréf tennisdeilda Þróttar, Fjölnir og Víkings vegna innanhússaðstöðu fyrir tennis í Reykjavík.
13. Lagt fram bréf Hestamiðstöðvar Reykjavíkur dags. 2. nóv. sl. vegna starfsemi fyrir fatlaða.
Vísað til styrkjaúthlutunar næsta árs.
14. Lagt fram afrit af bréfi skrifstofustjóra borgarráðs dags. 27. október sl. til SSH þar sem fram kemur að borgarráð hafi samþykkt umsögn íþrótta- og tómstundaráðs um tillögur verkefnahóps um rekstur íþróttamannvirkja á höfuðborgarsvæðinu.
15. Lögð fram stefnumótun Mennta- og menningarmálaráðuneytisins í íþróttamálum.
kl. 12:45 kom Karl Sigurðsson á fundinn.
16. Lögð fram ályktun Skíðaráðs Reykjavíkur dags. 27. okt. sl. vegna snjóframleiðslu á skíðasvæðum.
17. Lagt fram svar framkvæmdastjóra dags. 4. nóv. sl. vegna fyrirspurnar Vinstri grænna frá síðasta fundi sbr. liður 7.
18. Lagt fram svar Framkvæmda- og eignasviðs dags. 10. nóv. sl. vegna tillögu Sjálfstæðisflokks frá 146. fundi liður 13.
19. Lagt fram svar Framkvæmda- og eignasviðs dags. 10. nóv. sl. vegna fyrirspurnar Sjálfstæðisflokks frá 146. fundi liður 14.
20. Lögð fram fjárhagsáætlun ÍTR og greinargerð vegna ársins 2012.
Fundi slitið kl. 13:00.
Eva Einarsdóttir
Eva Baldursdóttir Karl Sigurðsson
Stefán Benediktsson Geir Sveinsson
Marta Guðjónsdóttir Kjartan Magnússon