Endurskoðunarnefnd - Fundur nr. 277

Endurskoðunarnefnd

Ár 2023, mánudaginn 22. maí var haldinn 277. fundur endurskoðunarnefndar Reykjavíkurborgar. Fundurinn var haldinn að Guðrúnartúni 1, 105 Reykjavík og hófst kl. 13:09. Eftirtaldir fulltrúar tóku sæti á fundinum: Lárus Finnbogason, Sigrún Guðmundsdóttir og Sunna Jóhannsdóttir. Einar S Hálfdánarson boðaði forföll. Einnig sat fundinn Ingunn Ólafsdóttir, fagstjóri innri endurskoðunar.

Fundarritari var Hallur Símonarson

Þetta gerðist:

                                                                

Þetta gerðist:

1. Fram fer kynning á eftirfylgni með úttekt Innri endurskoðunar og ráðgjafar á afstemmingum undirkerfa Agresso. IER22110108

   Elfa Ingibergsdóttir tekur sæti á fundinum undir þessum lið.
    

2. Fram fer kynning á eftirfylgni með úttekt Innri endurskoðunar og ráðgjafar á stjórnun rekstrarsamfellu hjá fjármála- og áhættustýringarsviði. IER22110043

   Arnar Freyr Guðmundsson tekur sæti á fundinum undir þessum lið.
    

3. Fram fer kynning á eftirfylgni með úttekt Innri endurskoðunar og ráðgjafar á stjórnun rekstrarsamfellu hjá þjónustu- og nýsköpunarsviði. IER22110043

   Arnar Freyr Guðmundsson tekur sæti á fundinum undir þessum lið.
    

4. Lögð fram umsögn innri endurskoðanda Reykjavíkurborgar um málsmeðferðartillögu þjónustu- og nýsköpunarsviðs vegna úttektar IER á netöryggi Reykjavíkurborgar. IER22110041

   Lögð fram svohljóðandi bókun:

   Endurskoðunarnefnd tekur undir með umsögn innri endurskoðanda Reykjavíkurborgar að úttekt KPMG skapi grunn að uppbyggingu upplýsingatækniinnviða hjá Reykjavíkurborg. Nefndin telur þó mikilvægt að stjórnendur á fjármála- og áhættustýringarsviði og þjónustu- og nýsköpunarsviði skipuleggi umbótastarf á sviðunum jafnframt með hliðsjón af niðurstöðum úttekta Innri endurskoðunar og ráðgjafar á netöryggi, aðgangsstýringum upplýsingakerfa og rekstrarsamfellu upplýsingakerfa. 

   Umsögninni vísað til fjármála- og áhættustýringarsviðs, þjónustu- og nýsköpunarsviðs og skrifstofu borgarstjóra og borgarritara.
    

5. Fram fer kynning á úttekt Innri endurskoðunar og ráðgjafar á stjórnkerfi upplýsingaöryggis hjá Malbikunarstöðinni Höfða hf. IER22110080

   Vísað til stjórnar Malbikunarstöðvarinnar Höfða.
    

6. Fram fer kynning á eftirfylgni með úttekt Innri endurskoðunar og ráðgjafar á utanumhaldi samninga Ljósleiðarans. IER22110025

   Viðar Kárason tekur sæti á fundinum undir þessum lið.

   Vísað til stjórnar Ljósleiðarans.
    

7. Fram fer kynning á úttekt Innri endurskoðunar og ráðgjafar á áhættustjórnun hjá Orkuveitu Reykjavíkur. IER22110068

   Lögð fram svohljóðandi bókun endurskoðunarnefndar:

   Endurskoðunarnefnd þakkar gagnlega úttekt Innri endurskoðunar og ráðgjafar og telur ljóst að margt hefur áunnist í áhættustjórnun hjá Orkuveitu Reykjavíkur. Nefndin telur mikilvægt að Vitinn, kerfið sem er í innleiðingu hjá OR og dótturfélögum, verði innleitt sem fyrst en bendir þó á að mikilvægt er að halda vel utan um verkefnin þar til Vitinn hefur verið innleiddur. Að mati endurskoðunarnefndar er mikilvægt að áhættustjórnun vinni þvert á allar deildir fyrirtækisins og sé miðlæg og sýnileg í skipuriti fyrirtækisins. 

   Vísað til stjórnar Orkuveitu Reykjavíkur.
    

8. Fram fer kynning á úttekt Innri endurskoðunar og ráðgjafar á sjálfstætt starfandi tónlistarskólum. IER22120004

   Jenný Stefanía Jensdóttir tekur sæti á fundinum undir þessum lið.

   Frestað.

   -    Kl. 16:30 víkur Ingunn Ólafsdóttir af fundinum.
    

9. Fram fer kynning á skoðun á innkaupum á leikskóla. IER23010019

   Jenný Stefanía Jensdóttir og Edda Andrésdóttir taka sæti á fundinum undir þessum lið.
    

Fundi slitið kl. 17:05

Lárus Finnbogason Sigrún Guðmundsdóttir

Sunna Jóhannsdóttir