Borgarráð
Ár 2000, þriðjudaginn 18. júlí, var haldinn 4639. fundur borgarráðs. Fundurinn var haldinn í Ráðhúsi Reykjavíkur og hófst kl. 12.00. Viðstaddir voru Sigrún Magnúsdóttir, Jóna Gróa Sigurðardóttir, Alfreð Þorsteinsson, Inga Jóna Þórðardóttir, Steinunn Valdís Óskarsdóttir og Hrannar Björn Arnarsson. Fundarritari var Kristbjörg Stephensen.
Þetta gerðist:
1. Lögð fram fundargerð byggingarnefndar frá 13. júlí. Samþykkt.
2. Lagðar fram fundargerðir menningarmálanefndar frá 21. júní og 7. júlí.
3. Lagðar fram fundargerðir skipulags- og umferðarnefndar frá 6. og 10. júlí.
4. Lögð fram fundargerð stjórnar Innkaupastofnunar frá 17. júlí.
5. Lögð fram fundargerð umhverfis- og heilbrigðisnefndar frá 6. júlí.
6. Lagt fram bréf fulltrúa borgarstjórnar, dags. í dag, um embættisafgreiðslur erinda sem borist hafa borgarráði, alls 5 mál.
7. Lögð fram umsókn Ísafold-Sportkaffis frá 26. f.m., þar sem farið er fram á leyfi til sölu áfengis til kl. 04.00 aðfararnætur laugardaga, sunnudaga og almennra frídaga. Jafnframt var lögð fram umsögn fulltrúa borgarstjórnar, dags. í dag, um erindið. Borgarráð samþykkir umsögnina.
- Kl. 12.20 tók Vilhjálmur Þ. Vilhjálmsson sæti á fundinum.
8. Lagt fram bréf FAAS, Félags áhugafólks og aðstandenda Alzheimerssjúklinga og annarra minnissjúkra, frá 7. maí s.l., þar sem farið er fram á styrk til greiðslu fasteignaskatts af húseign félagsins að Austurbrún 31. Jafnframt lögð fram umsögn fjármáladeildar frá 14. þ.m. um erindið. Borgarráð samþykkir að veita félaginu styrk að fjárhæð kr. 46.419.
9. Lagt fram bréf embættis Borgarskipulags frá 12. þ.m., sbr. samþykkt skipulags- og umferðarnefndar 10. s.m. um breytingu á deiliskipulagi við Bæjarháls/Hraunbæ og auglýsingu þar um. Samþykkt.
10. Lagt fram bréf embættis Borgarskipulags frá 12. þ.m., sbr. samþykkt skipulags- og umferðarnefndar 10. s.m. um breytingu á deiliskipulagi á vesturhluta Laugardals og auglýsingu þar um. Samþykkt.
11. Lagt fram bréf embættis Borgarskipulags frá 12. þ.m., sbr. samþykkt skipulags- og umferðarnefndar 10. s.m. um breytingu á deiliskipulagi að Skútuvogi 7-9 og auglýsingu þar um. Samþykkt.
12. Lagt fram bréf embættis Borgarskipulags frá 12. þ.m., sbr. samþykkt skipulags- og umferðarnefndar 10. s.m. um stækkun á íbúðarhóteli og breytingu á deiliskipulagi að Mörkinni 8 og auglýsingu þar um. Samþykkt.
13. Lagt fram bréf embættis Borgarskipulags frá 12. þ.m., sbr. samþykkt skipulags- og umferðarnefndar 10. s.m. um lóðarspildu að Mörkinni 8. Samþykkt með þeirri viðbót að ekki komi bætur fyrir þótt Reykjavíkurborg afturkalli afnotaheimildina.
14. Lagt fram bréf framkvæmdastjóra íþrótta- og tómstundaráðs frá 12. þ.m. ásamt sameiginlegri skýrslu ÍBR og ÍTR um "Skipulag íþróttastarfs í Reykjavík á nýrri öld".
15. Lagt fram bréf gatnamálastjóra frá 14. þ.m. varðandi frárennslismál á Kjalarnesi. Samþykkt.
16. Lagt fram bréf menntamálaráðuneytis frá 11. þ.m. varðandi lóðarleigusamning við Byggingafélag námsmanna um fjölbýlishús á lóð Sjómannaskólans við Háteigsveg. Jafnframt lagt fram bréf skrifstofustjóra borgarverkfræðings frá 17. s.m., þar sem leitað er heimildar fyrir gerð lóðarleigusamnings við byggingafélagið að umræddri lóð. Samþykkt.
17. Lagt fram bréf AUS, Alþjóðlegra ungmennaskipta, frá 3. þ.m., þar sem óskað er eftir styrk vegna ráðstefnunnar "Fordómar og mannréttindi", 16.-31. ágúst n.k. Samþykkt að vísa erindinu til verkefnisstjórnar um málefni nýbúa.
18. Lagt fram bréf embættis borgarverkfræðings frá 17. þ.m. varðandi uppsetningu umferðarljósa á fjórum gatnamótum. Jafnframt lögð fram greinargerð embættis borgarverkfræðings, dags. s.d., um arðsemismat á uppsetningu umferðarljósa árið 2000. Frestað.
19. Lögð fram áætlun embættis gatnamálastjóra um gatna- og holræsaframkvæmdir 2000. Frestað.
20. Lagt fram bréf fulltrúa borgarstjórnar frá 17. þ.m. varðandi samþykkt verkefnisstjórnar um veitingamál 10. s.m. um stefnumörkun varðandi staðsetningu næturklúbba. Frestað.
21. Alfreð Þorsteinsson og Steinunn Valdís Óskarsdóttir lögðu fram eftirfarandi tillögu:
Borgarráð samþykkir að skipa þriggja manna verkefnisstjórn vegna heilsuborgarverkefnis Orkuveitu Reykjavíkur og ÍTR. Með stjórninni starfi verkefnisstjóri og framkvæmdastjóri ÍTR. Tveir fulltrúar verði tilnefndir af stjórn veitustofnana og einn af íþrótta- og tómstundaráði. Þessum aðilum verði ætlað að fara yfir þær hugmyndir sem liggja fyrir um kynningarmál, einstök verkefni og samstarf borgaryfirvalda og atvinnulífsins varðandi heilsuborgarverkefnið. Verkefnisstjórnin skili síðan tillögum til stjórnar veitustofnana og íþrótta- og tómstundaráðs um framkvæmd verkefna og fjárveitingar við gerð starfsáætlunar þessara aðila.
Samþykkt.
22. Borgarráðsfulltrúar Sjálfstæðisflokks lögðu fram svohljóðandi fyrirspurn:
Með hliðsjón af því ástandi sem verið hefur við Tjörnina og Ráðhúsið í sumar er óskað eftir upplýsingum um hvernig borgaryfirvöld standa að umsjón og eftirliti með umhverfi og fuglalífi Tjarnarinnar. Í því sambandi verði m.a. tilgreint hvernig staðið hefur verið að eyðingu vargfugls, hreinsun Tjarnarinnar og fóðrun fugla.
23. Borgarráðsfulltrúar Sjálfstæðisflokks lögðu fram eftirfarandi bókun:
Ljóst er að lokun hluta miðborgarinnar s.l. laugardag var ekki nægilega vel undirbúin og greinilega ekki haft eðlilegt og æskilegt samstarf við hagsmunaaðila á svæðinu. Mikilvægt er að borgaryfirvöld hafi betra samráð við íbúa og þjónustuaðila á svæðinu um á hvern hátt staðið verður að framhaldi málsins.
Borgarráðsfulltrúar Reykjavíkurlistans óskuðu bókað:
Undirbúningur að lokun hluta miðborgar var unninn af framkvæmdastjóra miðborgar og Þróunarfélagi miðborgar í fullu samkomulagi og samráði við hagsmunaaðila í miðborginni. Borgarráði hafa ekki borist kvartanir vegna lokunar hluta miðborgar síðastliðinn laugardag, en sjálfsagt er að skoða framhald málsins áfram.
Fundi slitið kl. 14.25.
Sigrún Magnúsdóttir
Inga Jóna Þórðardóttir Steinunn Valdís Óskarsdóttir
Jóna Gróa Sigurðardóttir Hrannar Björn Arnarsson
Vilhjálmur Þ. Vilhjálmsson Alfreð Þorsteinsson