Aðgengis- og samráðsnefnd í málefnum fatlaðs fólks - Fundur nr. 30

Aðgengis- og samráðsnefnd í málefnum fatlaðs fólks

Ár 2021, fimmtudaginn 2. september, var haldinn 30. fundur aðgengis- og samráðsnefndar í málefnum fatlaðs fólks. Fundurinn var haldinn í Ráðhúsi Reykjavíkur og hófst kl. 13.14. Fundinn sátu: Þorkell Heiðarsson, Rannveig Ernudóttir, Bergþór G. Böðvarsson, Björgvin Björgvinsson, Hanna Björk Kristinsdóttir og Lilja Sveinsdóttir.

Eftirtaldir fulltrúar tóku sæti á fundinum með fjarfundabúnaði með vísan til heimilda í auglýsingu nr. 230/2020 um ákvörðun samgöngu- og sveitarstjórnarráðherra skv. VI. bráðabirgðarákvæðis sveitarstjórnarlaga, nr. 138/2011: Hallgrímur Eymundsson og Ragnhildur Alda Vilhjálmsdóttir. Eftirtaldir starfsmenn sátu fundinn: Tómas Ingi Adolfsson, sem ritaði fundargerð. Eftirtaldir starfsmenn sátu fundinn með fjarfundabúnaði: Anna Kristinsdóttir, Bragi Bergsson og Þórdís Linda Guðmundsdóttir.

Þetta gerðist:

1. Lagt er fram bréf skrifstofu borgarstjórnar, dags. 9. ágúst 2021, sbr. samþykkt borgarstjórnar frá 12. ágúst 2021, á tillögu um framlengingu á heimildum til frávika frá skilyrðum sveitarstjórnarlaga vegna neyðarástands í sveitarfélagi, ásamt fylgiskjölum. R18060129

   Fylgigögn

   • Tillaga borgarstjórnar
   • Auglýsing um ákvörðun samgöngu - og sveitarstjórnarráðherra
   • Auglýsing um leiðbeiningar um notkun fjarfundabúnaðar
   • Bréf til nefnda og ráða Reykjavíkurborgar

2. Lagt er fram bréf skrifstofu borgarstjórnar, dags. 15. júní 2021, með tilkynningu um kosningu borgarstjórnar í aðgengis- og samráðsnefnd. R19040033

   Fylgigögn

   • Bréf skrifstofu borgarstjórnar

3. Fram fer umræða um aðgengisstefnu Reykjavíkurborgar. R19120168
   
   Dóra Björt Guðjónsdóttir tekur sæti á fundinum undir þessum lið.

4. Fram fer umræða um aðgengismál í Nauthólsvík. R21080168

   Starfsmönnum umhverfis – og skipulagssviðs og mannréttinda- og lýðræðisskrifstofu falið að svara erindi íbúaráðs Miðborgar og Hlíða varðandi aðgengismál í Nauthólsvík.
   
   Samþykkt.

   Fylgigögn

   • Bókun íbúaráðs Miðborgar og Hlíða vegna aðgengismála í Nauthólsvík
   • Kynningarefni í tengslum við bætt aðgengi að ylströndinni í Nauthólsvík

5. Lögð er fram tillaga áheyrnarfulltrúa Flokks fólksins, dags. 15. október 2020, um störf aðgengis- og samráðsnefndar í málefnum fatlaðs fólks. R20100130

   Formanni nefndarinnar og starfsmanni mannréttinda- og lýðræðisskrifstofu falið að semja drög að svari við erindinu.
   
   Samþykkt.

   Fylgigögn

   • Tillaga áheyrnarfulltrúa Flokks fólksins um störf aðgengis- og samráðsnefndar í málefnum fatlaðs fólks

6. Lögð eru fram drög menningar- og ferðamálasviðs, dags. 5. ágúst 2021, að menningarstefnu Reykjavíkurborgar 2021 – 2030. R21080014

   Aðgengis- og samráðsnefnd leggur fram svohljóðandi bókun:

   Aðgengis- og samráðsnefnd tekur undir umsögn mannréttinda-, nýsköpunar- og lýðræðisráðs um menningarstefnuna. Auk þess vill nefndin benda á að í kafla 8.3. er ekki minnst á að félagsmiðstöðvar fullorðinna í borginni standi íbúum til boða sem viðburðarými með sama hætti og frístundamiðstöðvar o.fl. húsnæði. Nefndin hvetur til þess að bætt sé úr því.

   Fylgigögn

   • Beiðni um umsögn aðgengis- og samráðsnefndar
   • Menningarstefna Reykjavíkurborgar - drög
   • Umsögn mannréttinda-, nýsköpunar-, og lýðræðisráðs um menningarstefnu

7. Lögð eru fram drög mannréttinda- og lýðræðisskrifstofu, ódags., að lýðræðisstefnu Reykjavíkurborgar. R18010207

   Starfsmanni mannréttinda- og lýðræðisskrifstofu falið að taka saman ábendingar fulltrúa í nefndinni og vinna umsögn nefndarinnar út frá þeim.
   
   Samþykkt.

   Fylgigögn

   • Lýðræðisstefna Reykjavíkurborgar 2021 - 2030. Drög

8. Lagt er fram bréf mannréttinda- og lýðræðisskrifstofu dags. 3. ágúst 2021, um drög að tillögu stýrihóps um innleiðingu íbúaráða. R19100342

   Starfsmanni mannréttinda- og lýðræðisskrifstofu falið að taka saman ábendingar fulltrúa í nefndinni við tillöguna og vinna umsögn út frá þeim.
   
   Samþykkt.

   -    Kl. 15.00 víkja Þorkell Heiðarsson, Ragnhildur Alda Vilhjálmsdóttir og Rannveig Ernudóttir af fundi.

   Fylgigögn

   • Fyrirkomulag íbúaráða. Bréf og tillaga til umsagnar

9. Lagt er fram erindi frá Gæða- og eftirlitsstofnun félagsþjónustu og barnaverndar, dags. 23. júní 2021, varðandi starfsleyfisumsókn vegna þjónustu við fatlað fólk. R21020028

   Notendaráð gerir ekki athugasemdir við fyrirliggjandi starfsleyfisumsókn.
   
   Samþykkt.

Fundi slitið klukkan 15:10

PDF útgáfa fundargerðar
adgengis_og_samradsnefnd_0209.pdf