Vestnorræni höfuðborgasjóðurinn – Umsóknir óskast fyrir árið 2024

 Hlutverk sjóðsins er að efla samstarf og skilning milli stjórnmálamanna og íbúa í Reykjavík, Tórshavn og Kommuneqarfik Sermersooq (Nuuk). 

Veittir eru styrkir til verkefna sem efla samskipti milli höfuðborganna þriggja og efla tengsl þeirra með einhverjum hætti, t.d. á sviði menningar, fræðslu eða íþrótta.

Í umsókn skal lýsa fyrirhuguðum verkefnum ítarlega, fyrirkomulagi þeirra, tímasetningu og kostnaði.

Umsóknir skal senda á netfangið radhus@reykjavik.is. 

Nálgast má umsóknareyðublöð á vefsíðu Reykjavíkurborgar um Vestnorræna höfuðborgasjóðinn.

Umsóknir berist eigi síðar en mánudaginn 1. apríl 2024 og koma umsóknir sem síðar kunna að berast ekki til afgreiðslu.

Upplýsingar eru veittar á skrifstofu borgarstjóra og borgarritara, Ráðhúsi Reykjavíkur, s. 411 4500.

Stjórn sjóðsins tekur ákvörðun um úthlutun á árlegum fundi sínum í maí 2024.