Tilnefningar til aðgengisviðurkenningar Reykjavíkurborgar 2023 óskast
Gott aðgengi í víðum skilningi þess hugtaks er mikilvægt mannréttindamál og undirstaða þess að fólk með fjölbreyttar aðgengisþarfir geti tekið þátt í samfélaginu á jafnréttisgrundvelli.
Aðgengisviðurkenningu Reykjavíkurborgar er ætlað að gera aðgengismálum hærra undir höfði og varpa ljósi á það sem vel er gert í málaflokknum.
Viðurkenningin er veitt þeim einstaklingum, hópum, félagasamtökum, fyrirtækjum eða stofnunum sem á eftirtektarverðan hátt hafa staðið vörð um gott aðgengi með fjölbreyttum hætti.
Hver á skilið að fá aðgengisviðurkenningu Reykjavíkurborgar, ert þú með hugmynd?
Sendu tilnefningu ásamt rökstuðningi á netfangið adgengi@reykjavik.is
Frestur til að skila inn tilnefningum er til og með 14. febrúar 2024.
Eftirtaldir aðilar hafa hlotið Aðgengisviðurkenningu Reykjavíkurborgar:
2022 Inga Björk Margrétar Bjarnadóttir fyrir baráttu fyrir bættu aðgengi í stafrænum heimi.
2021 Haraldur Þorleifsson fyrir verkefnið Römpum upp Reykjavík.
2020 Samtök hernaðarandstæðinga og Friðarhús SHA ehf. fyrir mikilvægt frumkvæði í aðgengismálum með uppsetningu á hjólastólalyftu í Friðarhúsinu.
2019 Áslaug Katrín Aðalsteinsdóttir og Berglind Hallgrímsdóttir fyrir gerð handbókar um algilda hönnun í útiumhverfi.
2018 Blindrafélagið fyrir fjölbreytt starf í þágu blindra og sjónskertra sem hefur stórlega bætt aðgengi hópsins að samfélaginu.