![Verið að tæma svarta tunnu í sorpbíl.](/sites/default/files/styles/landscape_small/public/2024-03/23080101_sorphirda_049_1.jpg?h=82f92a78&itok=G4khs3Wg)
Páskakveðja frá starfsfólki sorphirðu Reykjavíkur! Unnið verður á skírdag en tekið verður páskafrí frá föstudeginum langa, 29. mars, til og með annars í páskum, 1. apríl. Unnið var síðastliðinn laugardag til að vega upp á móti þessum frídögum.
Grenndarstöðvar verða tæmdar á skírdag og einnig verður unnið við tæmingu þeirra á laugardaginn. Íbúar eru vinsamlegast beðnir um að skilja ekki eftir umfram sorp við gámana ef komið er að fullum gámum. Skila má öllum úrgangsflokkum á endurvinnslustöðvar Sorpu, sem verða opnar á skírdag, fimmtudaginn 28. mars, og laugardaginn 30. mars frá klukkan 12-18.30 en lokaðar á föstudaginn langa, páskadag og annan í páskum.
Gleðilega páska og takk fyrir að flokka!
![Teikning yfir opnunartíma um páska hjá Sorpu.](/sites/default/files/styles/original_medium/public/2024-03/rett_utgafa.max-2340x1348.png.jpg?itok=cq_oeUPo)