Auglýst er eftir tilnefningum til hvatningarverðlauna skóla- og frístundaráðs 2024 fyrir starf í leikskólum, grunnskólum og í frístundastarfi. Hægt er að tilnefna til 31. janúar næstkomandi.
Viltju hvetja til góðra verka?
- Viltu vekja athygli á gróskumiklu skóla- og frístundastarfi í borginni?
- Veistu af metnaðarfullu þróunarverkefni, skemmtilegum tilraunum, áhugaverðum samstarfsverkefnum í leikskóla, grunnskóla eða frístundastarfi?
- Viltu veita fólkinu sem vinnur með börnum í skóla- og frístundastarfi viðurkenningu og hvatningu?
Allir geta tilnefnt
Allir geta tilnefnt til hvatningarverðlauna; foreldrar, ömmur og afar, starfsfólk SFS, aðrir borgarstarfsmenn, leikskólar, grunnskólar, frístundamiðstöðvar, aðrar stofnanir og samtök. Við val á verðlaunahöfum verður haft til hliðsjónar að verkefnið sé öðrum til eftirbreytni og hvatning til góðra verka.
Hvatningarverðlaun skóla—og frístundaráðs vegna verða afhent á Menntastefnumóti þann 17. maí næstkomandi.
