Matjurtagarðarnir í Reykjavík verða opnaðir 1. maí og geta íbúar pantað þá til afnota eins og undanfarin ár.
Átta hundruð matjurtagarðar eru leigðir út á vegum borgarinnar og eru þeir víða um borgina.
Matjurtagarðar innan Reykjavíkurborgar eru á eftirtöldum stöðum og með því að smella á tengil er hægt að sjá hvaða garðar eru lausir.
- Vesturbær við Þorragötu
- Fossvogur við enda Bjarmalands
- Laugardalur við enda Holtavegar
- Árbær við Rafstöðvarveg
- Grafarvogur við Logafold
Garðar í Breiðholti við Jaðarsel verða ekki á vegum borgarinnar í sumar heldur hefur félagið Seljagarður tekið við rekstri á þeim görðum og getur fólk sótt um garð í gegn um Seljagardur.is.
Reykjavíkurborg útdeilir einnig görðum í Skammadal í Mosfellsbæ.
Garðyrkjufélag Íslands sér um rekstur matjurtagarða í Stekkjarbakka og Grafarvogi skv. samningi við Reykjavíkurborg. Nánari upplýsingar um þá er að finna á heimasíðu Garðyrkjufélags Íslands, www.gardurinn.is , undir Grenndargarðar.
Leiga fyrir garða er óbreytt frá fyrra ári. 5.000 kr. kostar leiga fyrir garðland í Skammadal og 4.800 kr. fyrir garð í fjölskyldugörðunum.
Skoða má nánari upplýsingar um matjurtagarða á vef borgarinnar reykjavik.is/matjurtagardar