No translated content text
Frístundamiðstöðvar, bókasöfn og aðrar menningarmiðstöðvar í Reykjavík bjóða upp á allskonar viðburði og sýningar í haustfríinu sem hefst í grunnskólum borgarinnar í vikunni, fimmtudaginn 24. október.
Fullorðnir fá frítt inn í fylgd með börnum og ættu því öll að geta fundið sér eitthvað skemmtilegt til að gera í haustfríinu og nýta til samveru.
Grímugerð, karókí og annað húllumhæ
Haustfrí í grunnskólum Reykjavíkur stendur yfir frá 24. til 28. október og er úrvalið á viðburðum, sýningum og smiðjum fjölbreytt og spennandi. Í frístundamiðstöðvunum er boðið upp á allskyns afþreyingu eins og hrekkjavökugleði, bingó, sundlaugapartý, ógeðskassa, klifur hjólreiðar, ratleiki, föndur og útigrill.
Listasöfn borgarinnar verða einnig opin og bjóða að auki upp á skemmtilegar listasmiðjur, karaktersmiðjur, draugaratleiki, kynningar og leiðsögn. Borgarbókasöfnin verða líka með allskonar húllumhæ. Til dæmis má nefna hrekkjavökuföndur, hrekkjavökubúninga skiptimarkaður, bingó, spurningakeppnir, Minecraft smiðja og ýmsar þrautir.
Dagskrá aðgengileg á viðburðarsíðu.
