No translated content text
![""](/sites/default/files/styles/landscape_small/public/myndir_frettir/frettamyndir_2014_febjuli/biodome-mynd.png?h=f0e678b6&itok=6UvH1hTm)
Brugðist hefur verið við ábendingum sem Reykjavíkurborg bárust við auglýsingu um breytt deiliskipulag við Stekkjarbakka. Breytt tillaga var samþykkt í borgarráði í dag.
„Við sjáum fram á jákvæða uppbyggingu sem eykur mannlíf á svæðinu og heldur á lofti grænni hugmyndafræði,“ segir Þórdís Lóa Þórhallsdóttir formaður borgarráðs.
Um er að ræða breytingu á skipulag á svæðinu norðan Stekkjarbakka, sem í aðalskipulagi Reykjavíkur er skilgreint sem opið svæði og þróunarsvæði.
Í deiliskipulagstillögunni eru skilgreindar nýjar lóðir, byggingarreitir og hámarks byggingarmagn. Á grundvelli athugasemda sem bárust voru gerðar eftirfarandi breytingar á upphaflegu tillögunni:
- mörk deiliskipulagsbreytingar eru færð lítillega til suðurs, út fyrir mörk svæðis á náttúruminjaskrá
- auðkenningu fyrir fornleifar (Vatnsveituveg) er bætt við
- skýringu fyrir kvöð um aðkomu að lóð Veitna er bætt við
- merkingu fyrir borholur Veitna er bætt við
- mörkum svæða á náttúruminjaskrá er bætt við
- mörkum hverfisverndar úr Aðalskipulagi Reykjavíkur 2010-2030 er bætt við
- settur er fyrrivari um útfærslu og byggingarefni tengibyggingar sem liggur yfir fráveitulögn í greinargerð skipulagsins 3. kafla: Almennir lóðaskilmálar. Útfært á hönnunarstigi bygginga.
- runna- og trjágróðri er bætt við norðan Stekkjarbakka
- kosti B varðandi mögulega legu fráveitulagnar er bætt við
Uppdrættir hafa einnig verið uppfærðir og á þeim eru m.a. sýndar nýjar aðkomur inn á svæðið og fjöldi bílastæða skilgreindur. Upphaflega tillagan var auglýst frá 21. janúar til 4. mars 2019. Auk umsagna frá Umhverfisstofun og Minjastofnun Íslands bárust 58 athugasemdir og ábendingar.
Nánari upplýsingar: