Borgaraþing - fyrstu skrefin

Markmið borgaraþingsins er að skapa vettvang sem hvetji til opinnar umræðu og skoðanaskipta um þjónustu við börn á aldrinum 0-6 ára. 

Eftirfarandi er dagskrá þingsins:

Kl. 11:00-11:25

Opnun borgaraþings
Einar Þorsteinsson, borgarstjóri, opnar borgaraþingið og býður þátttakendur velkomna.

Kynning á stefnumótun í málefnum barna
Magnea Gná Jóhannsdóttir, borgarfulltrúi kynnir stefnumótun í málefnum barna sem stendur yfir.

Lýðræðismál hjá Reykjavíkurborg
Sigurlaug Anna Jóhannsdóttir, sérfræðingur í lýðræðismálum, fjallar stuttlega um borgaraþingið í samhengi við lýðræðisstefnu  borgarinnar. 

Kl. 11:25-12:45

Umræður á borðum
Ráðgjafar frá Arcur kynna fyrirkomulag fyrir umræður á borðum og hópar hefja umræður.

Kl. 12:45-13:00

Samantekt
Örstutt yfirlit yfir helstu umræðufleti og sjónarmið sem fram koma í umræðum á borðum. 

Á borgaraþinginu verður unnið í umræðum á borðum, sérstaklega verður hvatt til umræðna um eftirfarandi atriði sem tengjast þjónustu við börn og barnafjölskyldur:

1. Barnvænt borgarumhverfi
2. Fjölbreyttar fjölskyldugerðir og þjónusta við þær
3. Dagvistun - leikskólar og dagforeldrar
4. Umönnunarbil á milli fæðingarorlofs og dagvistunar
5. Farsæld barna og aðgengi að velferðarþjónustu

Spurningar sem bornar verða upp í umræðum á borðum eru eftirfarandi:

1. Hvað er jákvætt við þjónustuna og kerfið okkar í dag sem þarf að vernda og ýta enn frekar undir?
2. Hvernig er hægt að koma betur móts við börn og barnafjölskyldur með nýjum leiðum eða breyttri nálgun í þjónustu?

Foreldrar og forsjáraðilar barna eru hvött til að mæta og skiptast á skoðunum ásamt öðrum hagsmunaaðilum sem vilja koma sínum skoðunum á framfæri. Börn eru velkomin og í Ráðhúsinu verður sérstakt barnahorn meðan á borgaraþinginu stendur þar sem börn eru á ábyrgð foreldra.

• Mikilvægt er að skrá sig á þingið þar sem húsrými er takmarkað
• Viðburðurinn á fleiri tungumálum / The event in English and Polish

Wersja polska