Bjarg byggir 40 nýjar íbúðir í Safamýri
Bjarg íbúðafélag mun reisa 40 leiguíbúðir á stórri lóð við Safamýri og Háaleitisbraut. Einar Þorsteinsson borgarstjóri ásamt fulltrúum Bjargs, ASÍ, BSRB og verktaka tóku fyrstu skóflustunguna í dag.
Íbúðirnar verða tilbúnar í mai 2026 gangi áætlanir Bjargs íbúðafélags eftir og ráðgerir félagið að opna fyrir umsóknir sumarið 2025.
Byggð verða tvö 4ra hæða fjölbýlishús. Íbúðir verða tveggja til fimm herbergja. Staðsetningin er góð með tilliti til samgangna, þjónustu og tenginga við stofnbrautir, skóla og leikskóla. Gæludýrahald verður leyft í hluta íbúðanna.
Hönnuðir eru A2F og Gríma arkitektar. Ferill verkfræðistofa, Kriston raflagnahönnun og ÍSTAK annast byggingarframkvæmdir.
Hús séð frá Safamýri og Háaleitisbraut. Hönnunarmyndir eru unnar af A2F / Grímu arkitektum. Birt með leyfi Bjargs.
Húsin séð frá Háaleitisbraut og Miklubraut.
Félag án hagnarmarkmiða
Bjarg íbúðafélag er sjálfseignarstofnun rekin án hagnaðarmarkmiða og hefur að markmiði að tryggja tekjulágum einstaklingum og fjölskyldum öruggt íbúðarhúsnæði í langtímaleigu. Félagið hefur byggt og afhent leigjendum rúmlega þúsund íbúðir og hefur í undirbúningi, hönnunarferli eða í byggingu um 500 íbúðir. Af þessum 1.500 íbúðum eru um 1.000 í Reykjavík. Samstarf við Bjarg er hluti af húsnæðisáætlun Reykjavíkur.