Við ljúkum Barnamenningarhátíð 2024 á Ævintýrahöllinni sem býður upp á spennandi menningardagskrá fyrir börn og fjölskyldur þeirra um helgina, 27.-28. apríl, í Borgarbókasafninu Grófinni. Ævintýrahöllin hefur í gegnum tíðina flakkað á milli hverfa og nú er komið að Miðborginni.
Dagskráin í Ævintýrahöllinni hefst á fjölskyldujóga og svo taka við fjölbreyttir dagskrárliðir. Ýmsar föndursmiðjur verða á staðnum og geta börnin meðal annars búið til mótmælaskilti, fána og vinabönd og málað á steina.
Frá Ævintýrahöll í Borgarbókasafni Spönginni í fyrra.
Krakkakarókí verður á sínum stað fyrir þau sem vilja stíga út fyrir þægindarammann og syngja af hjartans list. Dans Brynju Péturs tryllir lýðinn með kraftmiklum danssporum, tröllið Tufti kemur í heimsókn og BMX Brós sýna hjólalistir. Einnig má nefna tónlistarsmiðju með Fusion Groove, sögustundir á pólsku og spænsku og sirkussýningu Hringleiks.
Öll velkomin!
Gleðilega Barnamenningarhátíð!
Frá Ævintýrahöll í Borgarbókasafni Spönginni í fyrra.