Hlutfall negldra dekkja og ónegldra var reiknað í vikunni eftir talningu. Hlutfallið skiptist þannig að 38% ökutækja eru á negldum dekkjum og 62% á öðrum dekkjum. Hlutfallið er einnig aðeins lægra en í síðustu talningu í janúar þegar hlutfallið var 40%.
Talningar síðastliðin ár
Á sama tíma í fyrra var hlutfallið 40% á nöglum og 60% á ónegldum.
Fyrir tveimur árum var hlutfallið einnig á sama veg eða 40% en fyrir 3 árum var það 41,5% og fyrir 4 árum var það 41%.
Hlutfallið er því búið að vera sambærilegt á þessum tíma árs, síðastliðin fjögur ár eða í kringum 40% en þó má fullyrða að bilið vaxi og fleiri velji ónegld dekk en áður.
Næsta talning er áætluð um miðjan apríl.
Notkun nagladekkja
