Viðhaldslokanir í sundlaugum Reykjavíkur í sumar
Nú fer að koma að viðhaldslokunum í sundlaugunum í Reykjavík. Viðhaldslokanir fara fram á sumrin þar sem ekki er hægt að sinna viðhaldi utanhúss á veturna.
Í viðhaldslokunum er farið í viðgerðir á mannvirkjum, málun, múrvinnu og almennt viðhald sem ekki er hægt að framkvæma á opnunartíma
Lengri viðhaldslokun í Vesturbæjarlaug
Í Vesturbæjarlaug er lengri viðhaldslokun en í öðrum sundlaugum þar sem sinna þarf fleiri verkefnum. Má þar nefna málun á laugarkeri, að skipta út rennibraut, færa körfuboltaspjald, lyftu við barnalaug, skipta um neyðarkerfi og annað almennt viðhald.
Framkvæmdir á nýjum sánum
Framkvæmdir á nýjum sánum í Vesturbæjarlaug hefjast föstudaginn 2.maí. Nauðsynlegt reynist að loka sérklefanum á meðan á framkvæmdum stendur þar sem ekki er hægt að tryggja örugga leið til og frá þeim klefa vegna nálægðar við framkvæmdarsvæði.
Þetta á einnig við um hjólastólaaðgengi að Vesturbæjarlaug á þessum tíma þar sem inngangur fyrir fólk í hjólastólum er á framkvæmdarsvæði.
Útiklefar verða opnir en munaskápar verða færðir í anddyri og gengið verður í klefana frá laug.
Þegar viðhaldslokanir standa yfir getur verið gaman að bregða út af vananum og heimsækja aðra sundlaug í Reykjavík. Viðhaldslokanir skarast yfirleitt ekki mikið milli sundlauga.
Viðhaldslokanir í sundlaugum Reykjavíkur í sumar:
Árbæjarlaug: 19. maí – 4. júní
Breiðholtslaug: 10. – 17. maí
Dalslaug: Engin lokun
Grafarvogslaug: 6. – 12. júní
Klébergslaug: Engin lokun
Laugardalslaug: 30. apríl
Sundhöll: 16. – 24. ágúst
Vesturbæjarlaug: 26. maí – 23. júní
Við biðjumst velvirðingar á þeim óþægindum sem þetta kann að valda.
Við þökkum tillitsemina.