Vestnorræni höfuðborgasjóðurinn – Umsóknir óskast fyrir árið 2025

Ritstjórn
Þjóðfánar borganna þriggja sem standa að sjóðnum, íslenski fáninn, færeyski fáninn og fáni Grænlands
Þjóðfánar borganna þriggja sem standa að sjóðnum, íslenski fáninn, færeyski fáninn og grænlenski fáninn.

Auglýst er eftir umsóknum um styrki úr Vestnorræna höfuðborgasjóðnum fyrir árið 2025.

Hlutverk sjóðsins er að efla samstarf og skilning milli stjórnmálamanna og íbúa í Reykjavík, Tórshavn og Kommuneqarfik Sermersooq (Nuuk). 

Veittir eru styrkir til verkefna sem efla samskipti milli höfuðborganna þriggja og efla tengsl þeirra með einhverjum hætti, t.d. á sviði menningar, fræðslu eða íþrótta.

Í umsókn skal lýsa fyrirhuguðum verkefnum ítarlega, fyrirkomulagi þeirra, tímasetningu og kostnaði.

Umsóknir berist eigi síðar en þriðjudaginn 1. apríl 2025 og koma umsóknir sem síðar kunna að berast ekki til afgreiðslu.

Upplýsingar eru veittar á skrifstofu borgarstjóra og borgarritara, Ráðhúsi Reykjavíkur, sími: 411 4500.

Stjórn sjóðsins tekur ákvörðun um úthlutun á árlegum fundi sínum í júní 2025.