Umhverfismatsskýrsla til kynningar
Kynningarfundur um umhverfismatsskýrslu vegna gatnamóta Reykjanesbrautar og Bústaðavegar, ásamt hluta af 3. lotu Borgarlínu milli Vogabyggðar og Stekkjarbakka, verður haldinn mánudaginn 25. ágúst klukkan 17.00.
Á fundinum munu Anna Rut Arnardóttir og Berglind Hallgrímsdóttir frá EFLU fara yfir niðurstöður umhverfismatsins. Umhverfismatsskýrslan er nú til kynningar hjá Skipulagsstofnun.
Fundurinn verður haldinn í salnum Vindheimum á 7. hæð í húsakynnum Reykjavíkurborgar, Borgartúni 14, eystri inngangur og eru öll velkomin.
Verkefnið er hluti af Samgöngusáttmála ríkisins og sex sveitarfélaga á höfuðborgarsvæðinu og unnið í samstarfi Vegagerðarinnar, Reykjavíkurborgar og Betri samgangna.
Markmiðið er að efla samgöngur allra ferðamáta, draga úr umferðartöfum á háannatíma og auka umferðaröryggi vegfarenda.
Umhverfisáhrif metin
Umhverfisáhrif fyrirhugaðra framkvæmda hafa nú verið metin og niðurstöður birtar í umhverfismatsskýrslu sem er til kynningar í Skipulagsgáttinni.
Í umhverfismatsskýrslunni er fjallað um áhrif á loftslag, fornminjar, fugla, jarðmyndanir, hljóðvist, loftgæði, landslag og sjónræna þætti, náttúruminjar, samgöngur og umferðaröryggi, útivist, vatnafar, vatnalíf og vatnshlot.
Með breytingum á gatnamótum Reykjanesbrautar og Bústaðavegar verður ljósastýring við gatnamótin afnumin og leið Borgarlínu komið fyrir í sérrými.
Frestur til athugasemda er til 16. september 2025.
Skriflegar athugasemdir skulu sendar í gegnum Skipulagsgáttina, til Skipulagsstofnunar, Borgartúni 7b, 105 Reykjavík, eða á netfangið skipulag@skipulag.is.
Upptaka af fundinum komin inn
17.05 Niðurstöður umhverfismats.
Anna Rut Arnardóttir og Berglind Hallgrímsdóttir, sérfræðingar hjá EFLU, fara yfir helstu niðurstöður, valkosti og hljóðvist
17.45 Fyrirspurnir og umræður