Food&Fun hátíðin - Borða, drekka, njóta
Matarhátíðin Food & Fun hófst í gær 12. mars og stendur til 16. mars næstkomandi. Hátíðin er sannkölluð sælkeraveisla þar sem framandi og spennandi réttir eru í boði.
Hátíðin er nú haldin í 23. sinn og hefur fyrir löngu fest sig í sessi sem einn girnilegasti viðburðurinn í menningarlífi borgarinnar.
Að þessu sinni taka sautján erlendir gestakokkar þátt í hátíðinni, þar af eru fimm konur, og koma þau til með að matreiða á sautján veitingastöðum í Reykjavík. Á meðal gestakokka eru tveir Michelin-stjörnu kokkur frá Noregi, Michelin-stjörnu kokkur frá Mexíkó og þjálfari finnska kokkalandsliðsins sem fékk gull á Ólympíuleikunum í matreiðslu 2024.
Þetta eru reynslumiklir kokkar. sem reiða fram dýrindis veislu úr íslensku hráefni sem kemur til með að kitla bragðlaukana. Hver veitingastaður býður upp á einstaka matarupplifun.
Boðið er upp á sérstaka matseðla sem eru í boði á meðan hátíðin stendur yfir þar sem gestum býðst að gæða sér á einstökum réttum sem eru útbúnir sérstaklega fyrir hátíðina.
Auk matarupplifunar inniheldur hátíðin oft matreiðsluvinnustofur, smakkfundi og netviðburði.
Nú er bara að borða, drekka og njóta.
Kynnið ykkur dagskrána: