1. maí 2025 - götulokanir
Á morgun á baráttudegi verkalýðsins verða hátíðahöld í miðborginni í tilefni dagsins. Götum verður lokað í tengslum við viðburði frá klukkan 12:00 til 15:30.
Að venju er kröfuganga verkalýðsins í forgrunni á 1. maí. Auk þess verða Sniglarnir með góðgerðarhópakstur og svo verður haldin fjölskylduskemmtun fyrir félagsmenn í Verslunarmannafélagi Reykjavíkur á Klambratúni.
Sniglarnir með hópakstur í góðgerðarskyni
Bifhjólasamtök lýðveldisins Sniglarnir verða með hópakstur í góðgerðarskyni frá Grandagarði klukkan 12:00 sem endar við Háskólann í Reykjavík um klukkan 13:00.
Búast má við töfum á umferð vegna hópakstursins og eru vegfarendur vinsamlegast beðnir um að sýna tillitssemi.
Fjölskylduskemmtun Verslunarmannafélags Reykjavíkur
Verslunarmannafélag Reykjavíkur verður með fjölskylduskemmtun á Klambratúni og hefst klukkan hátíðin klukkan11:30. Gengið verður með lúðrasveit í broddi fylkingar frá Klambratúni upp á Skólavörðuholt klukkan 13:00.
Kröfuganga verkalýðsins
Fastur liður í hátíðahöldum 1. maí er kröfuganga verkalýðsins. Safnast verður saman á Skólavörðuholti klukkan 13:30 og verða götulokanir í kringum Hallgrímskirkju og meðfram gönguleiðinni frá klukkan 12:00.
Gengið verður niður á Ingólfstorg þar sem fram fer dagskrá í tengslum við daginn. Aðalstræti verður lokað frá klukkan 10:00 til klukkan 15:30.
Aðgengi
Fyrirkomulagið með aðgengi fyrir hreyfihamlaða verður með þeim hætti að þeir bílar sem eru P-merktir hafa heimild til að fara í gegnum mannaða lokun við Frakkastíg/Bergþórugötu og þaðan inn á bílastæði við Tækniskólann og sömu leið út.
Einnig er gert ráð fyrir sleppistæði við mannaða lokun við gatnamót Eiríksgötu/Njarðargötu.
Sjá nánar á meðfylgjandi korti
