Lifandi gögn um malbikun á vef Reykjavíkurborgar
Nú er hægt að skoða malbikunarframkvæmdir í borginni á vef Reykjavíkurborgar. Framkvæmdirnar eru flokkaðar í þrjá flokka, framundan, í gangi og lokið. Hægt er að skoða framkvæmdirnar á korti og fá síðan nánari upplýsingar með því að smella á staðinn. Um lifandi gögn er að ræða sem breytast reglulega og gefa góða mynd af því sem er í gangi í borginni hverju sinni.
Á kortinu er einnig hægt að finna upplýsingar um afnotaleyfi og framkvæmdir í borginni og skoða sérstaka upplýsingasíðu fyrir hverja framkvæmd. Enn er unnið að því að fjölga og bæta við upplýsingasíðum um framkvæmdir.