Borgarráð hefur heimilað umhverfis- og skipulagssviði að bjóða út framkvæmdir við endurnýjun gönguleiða í eldri hverfum á þessu ári.
Alls verða endurnýjaði um 2,6 kílómetrar af gangstígum og gangstéttum. Verkefnin eru að hluta til unnin í samstarfi við Veitur vegna endurnýjunar á lagnakerfum í rótgrónum hverfum borgarinnar. Að hluta til er um að ræða verkefni sem boðin voru út á árinu 2020 en komust ekki til framkvæmda þá. Framkvæmdir eru þegar hafnar við nokkrar götur. Kostnaðaráætlun vegna verkefna ársins 2021 er 250 milljónir króna.
Um er að ræða verkefni á eftirfarandi stöðum.
Breiðholt
Völvufell – Unufell malbikaður stígur
Elliðaárdalur við Heimahvamm - malbikaður stígur
Arnarbakki – malbikaður stígur að austanverðu
Strýtusel 15 – 22 malbikaður stígur á milli lóða
Skógarsel sunnan megin – Stokkasel – Skagasel
Grafarvogur
Hallsvegur Rimahverfi – stígur norðan undirganga
Háaleiti og Bústaðir
Eyrarland austan megin / Bjarmaland að Brúnalandi
Hlíðar
Stigahlíð vestan megin / Hamrahlíð norður
Laugardalur
Hofteigur – malbikaður stígur að Kringlumýrarbraut
Miðborg
Egilsgata norðan megin / Snorrabraut að Barónsstíg
Leifsgata beggja vegna / Þorfinnsgata að Barónsstíg
Vesturbær
Kaplaskjólsvegur austanmegin – Hagamelur að Víðimel
Suðurgata austan megin - Hringbraut að Sturlugötu
Ánanaust – malbikaður stígur að baklóðum
Fjörugrandi sunnan megin