Almannavarnir höfuðborgarsvæðisins hvetja foreldra, kennara og aðra sem starfa með unglingum að halda vöku sinni og sporna gegn hópamyndun unglinga að kvöldlagi.
Í tilkynningu segir að borið hafi á því að unglingahópar séu á leiksvæðum að kvöldlagi og sé ástæðan líklega gott veður og þær jákvæðu fréttir sem hafa verið að berast af þróun mála í baráttunni gegn Covid19. Það sé aftur á móti mjög mikilvægt að sofna ekki á verðinum og sporna gegn hópamyndun til að framfylgja smitvörnum.
Við erum öll almannavarnir!