Borgarstjórn hefur samþykkti að fela umhverfis- og skipulagssviði að hefja fjögur verkefni til að tryggja framgöngu borgarlínu sem hágæðakerfis almenningssamgangna.
Verkefnin sem hefjast eru í fyrsta lagi að klára breytingar á aðalskipulagi Reykjavíkur fyrir 2010 til 2030 með samgöngu- þróunarásum fyrir hágæða almenningssamgangna - Borgarlínu.
Í öðru lagi að hefja vinnu við rammaskipulag fyrir borgarlínuna í sérrými með austur-vestur tengingu frá Lækjartorgi upp á Ártúnshöfða og norður-suður tengingu um Vatnsmýri.
Í þriðja lagi áætlun og skipulagsvinna fyrir fjölbreytta húsnæðisuppbyggingu meðfram þróunarásum borgarlínu. Í fjórða lagi tillögur að reitum innan áhrifasvæðis borgarlínu þar sem unnið verður sérstaklega með hagkvæmar og nútímalegar lausnir fyrir ungt fólk og fyrstu íbúðakaupendur.
Verkefnastjóri verður ráðinn inn á skrifstofu samgöngustjóra og borgarhönnunar sem vinna mun með hönnun samgöngumannvirkja og samráð. Einnig verði ráðinn verkefnastjóri rammaskipulags sem vinnur sérstaklega að húsnæðismálum með tengingu inn á skrifstofu borgarstjóra og borgarritara. Verkefnastjórar og starfshópur Umhverfis- og skipulagssviðs ásamt skrifstofu eigna og atvinnuþróunnar mun vinna að verkefninu og kynna framgang þess reglulega fyrir skipulags- og samgönguráði og borgarráði.
Hér finnur þú spurningar og svör um borgarlínuna http://www.borgarlinan.is/