Fróðir foreldrar standa fyrir fræðslukvöldi um kynvitund barna og unglinga þar sem foreldrum verða gefin holl ráð um kyn og kynhegðun. Að þessu sinni hittast foreldrar á Kex hostel í kvöld, 8. mars klukkan 20. Færri komast að en vilja og því verður bein útsending frá fræðslunni.
Dagskráin er sem hér segir;
Andrea Marel, forstöðumaður í félagsmiðstöð, fjallar um kynhegðun íslenskra unglinga, Snapchat, Flex og Fuccbois.
Sigríður Birna, kennari og fjölskyldu- og meðferðarfræðingur, heldur erindi um kynhneigð og kynvitund barna og unglinga.
María Rut og Ingileif, stofnendur Hinseginleikans, tala um upplifun samkynhneigðs pars af uppeldi í gagnkynhneigðu samfélagi.
Að lokum mun Sigga Dögg, kynfræðingur, svara spurningum foreldra, barna og unglinga.
Fundarstjóri er Kristján Freyr Halldórsson meðlimur Prins póló og fulltrúi í hverfisráði Hlíða.
Mikilvægt er að skrá sig á fræðsluna
Fróðir foreldrar er samstarfsverkefni foreldrafélaga grunnskóla í Vesturbæ, Miðborg og Hlíðum, frístundamiðstöðvarinnar Tjarnarinnar, ungmennaráða og þjónustumiðstöðvar Vesturbæjar, miðborgar og Hlíða.
Markmið verkefnisins er:
- Að rödd foreldra/forsjáraðila og ungmenna innan skólasamfélags hverfanna heyrist.
- Að virkja samtakamátt foreldra/forsjáraðila sem mikilvægan þátt í forvörnum í uppeldi barna.
- Að nýta mannauð hverfanna og tengja við nærsamfélagið.
- Að standa fyrir fræðslukvöldum byggð á óskum og hugmyndum foreldra/forsjáraðila í hverfunum.