Höfuðborgarstofa gefur út Gestakort Reykjavíkur (Reykjavík City Card) en á fyrstu sex mánuðum ársins var 90% meiri sala á kortunum samanborið við sama tímabil á síðasta ári. Það er mun meiri söluaukning en í straumi ferðamanna til landsins á svipuðum tíma en samkvæmt gögnum Ferðamálastofu var 47% aukning á brottförum frá landinu í Flugstöð Leifs Eiríkssonar fyrstu fimm mánuði ársins borið saman við síðasta ár. Kortið er selt á tæplega 50 stöðum sem þjónusta ferðamenn á höfuðborgarsvæðinu en Upplýsingamiðstöð ferðamanna í Ráðhúsinu er stærsti sölustaður kortsins.
Höfuðborgarstofa gefur út Gestakort Reykjavíkur (Reykjavík City Card) en á fyrstu sex mánuðum ársins var 90% meiri sala á kortunum samanborið við sama tímabil á síðasta ári. Það er mun meiri söluaukning en í straumi ferðamanna til landsins á svipuðum tíma en samkvæmt gögnum Ferðamálastofu var 47% aukning á brottförum frá landinu í Flugstöð Leifs Eiríkssonar fyrstu fimm mánuði ársins borið saman við síðasta ár. Kortið er selt á tæplega 50 stöðum sem þjónusta ferðamenn á höfuðborgarsvæðinu en Upplýsingamiðstöð ferðamanna í Ráðhúsinu er stærsti sölustaður kortsins.
Handhöfum Gestakortsins er veittur aðgangur að tólf helstu söfnum í Reykjavík, Húsdýragarðinum og Viðeyjarferju. Korthafar fá einnig óheftan aðgang í sundlaugar og Strætó í borginni. Þá veitir kortið m.a. afslátt af verði aðgöngumiða á veitingahúsum, söfnum, verslunum og sundlaugum annarra sveitarfélaga á Höfuðborgarsvæðinu. Gestakortið er fáanlegt sem 24, 48 og 72 tíma kort.
Gestakortið gildir á eftirfarandi stöðum:
• Strætó á svæði 1
• Öllum sundlaugum í Reykjavík (7)
• Þjóðminjasafni Íslands
• Listasafni Reykjavíkur - Hafnarhúsi
• Listasafni Reykjavíkur - Kjarvalsstöðum
• Listasafni Reykjavíkur - Ásmundarsafni
• Listasafni Íslands
• Borgarsögusafn Reykjavíkur - Árbæjarsafn
• Borgarsögusafn Reykjavíkur - Víkin sjóminjasafn
• Borgarsögusafn Reykjavíkur - Landnámssýningin
• Borgarsögusafn Reykjavíkur - Ljósmyndasafn Reykjavíkur
• Fjölskyldu- og húsdýragarðurinn
• Ferjan í Viðey
• Safnahúsið, Hverfisgötu 15, 101 Reykjavík
Gestakortin kosta:
• 24 tíma kort: 3.700 kr. - barnagjald: 1.500 kr.
• 48 tíma kort: 4.900 kr. - barnagjald: 2.500 kr.
• 72 tíma kort: 5.900 kr. - barnagjald: 3.300 kr.