Bergljót Jóhannsdóttir hefur verið ráðin leikskólastjóri í Jörfa.
Bergljót lauk leikskólakennaraprófi frá Fóstruskóla Íslands 1988 og er með diplómu í uppeldis- og menntunarfræði frá Kennaraháskóla Íslands.
Hún hefur víðtæka stjórnunarreynslu og hefur starfað sem leikskólakennari, aðstoðarleikskólastjóri og leikskólastjóri, lengst af í Sjónarhóli.
Tveir sóttu um leikskólastjórastöðuna, en umsóknarfrestur rann út 5. Júlí.
Bergljót er boðin velkomin til starfa í Jörfa.