Umsækjendur um störf á nýju safni

 Þessar vikurnar er unnið hörðum höndum að undirbúningi að stofnun nýs safns í eigu Reykjavíkurborgar, þegar Árbæjarsafn, Landnámssýningin, Ljósmyndasafn Reykjavíkur, Sjóminjasafnið Víkin og Viðey verða sameinuð undir einn hatt, með það að markmiði að skapa öflugt og kraftmikið safn. Í lok mars voru auglýst tvö störf við nýja safnið, annars vegar starf deildarstjóra minjavörslu og rannsókna og hins vegar starf deildarstjóra miðlunar og fræðslu. Ráðgert er að ráða í stöðurnar tvær í byrjun maí. Skemmst er frá því að segja að mikill áhugi er á þessum störfum og fjöldi góðra umsókna barst, líkt og sjá má á meðfylgjand lista yfir umsækjendur.