Bílastæðasjóður sendi á dögunum fyrir mistök út ítrekunarbréf um hækkun á aukastöðugjöldum og stöðubrotsgjöldum.
Tafir höfðu orðið á útsendingu ítrekunarbréfanna og þau bréf sem áttu að fara í póst í júní, júlí og ágúst fóru ekki í póst fyrr en í september. Margir viðtakendur fengu því ítrekunarbréf eftir að þeir höfðu greitt gjaldið.
Í ítrekunarbréfinu var eigendum ökutækja gefinn kostur á því að greiða gjaldið áður en til frekari hækkana kæmi skv. 6. mgr. 108. gr. umferðalaga.
Bílastæðasjóður biðst velvirðingar á þeim óþægindum sem þessi mistök kunna að hafa valdið.