Þeir sem hafa fengið úthlutað matjurtargarði geta nú hafist handa við ræktun. Garðarnir eru tilbúnir til notkunar frá og með 21. maí 2013. Garðarnir í Skammadal eru tilbúnir til notkunar frá 22. maí 2013.
Athugið að næsta laugardag, 25. maí, bjóðum við upp á fræðslumorgunn í nytjajurtagarði Grasagarðsins kl. 11 - 13. Garðyrkjufræðingar kynna ræktun mat- og kryddjurta.
Hægt var að sækja um skika í vetur en enn eru lausir garðar við Rafstöðvarveg í Árbæ, Jaðarsel í Breiðholti og Logafold í Grafarvogi en fækkar ört. Allt er fullbókað við Þorragötu í Skerjafirði, í Laugardalnum og Fossvogi.
Leigugjöld ársins 2013 eru 4.800 kr. fyrir garðland í Skammadal (ca. 100m2) og 4.200 kr. fyrir garð í Fjölskyldugörðunum (ca. 20m2). Görðunum verður skilað tættum og merktum. Hægt verður að komast í vatn hjá öllum görðum. Plöntur og útsæði fylgja ekki með görðunum.
Ef óskað er eftir garði skal senda umsókn á netfangið matjurtagardar@reykjavik.is og láta fylgja upplýsingar, nafn, kennitölu, heimilisfang og síma/gsm. Einnig eru veittar upplýsingar hjá Umhverfis- og skipulagssviði á http://reykjavik.is/skrifstofaogsvid/umhverfis-og-skipulagssvid, í síma 4 11 11 11.