Myrkurkvöld á Korpúlfsstöðum

Listamenn á Korpúlfsstöðum bjóða til Myrkurkvölds fimmtudaginn 29. nóvember kl. 17:00 - 21:00. 

Tvær myndlistarsýningar verða á Myrkurkvöldi. - Annars vegar óvenjuleg myndlistarsýning sem nefnist „Ljós í myrkri“ - aðeins verður ljóstýra frá kertum fyrir þá sem ekki eru vanir að rata í myrkri. 

- Lítill munur mun vera á upplifun sjáandi og blindra gesta því verkin eru öll áþreifanleg og/eða 3víð. - Athugið að ratblindir mega hafa með sér vasaljós. 

- Hins vegar sýningin „Vatnslitagleði“ á vegum Norræna Vatnslitafélagsins. 

Hljómsveitin the Visionaries mun leika frá klukkan 18:00. Meðlimir hennar eru sjónskertir. Þeir eru Gísli Helgason, Hlynur Þór Agnarsson, Rósa Ragnarsdóttir og Haraldur G. Hjálmarsson. Gísli mun kynna nýútkominn CD disk sinn „Dagur“. 

Pop-up markaður í sal Textílfélagsins. 

Ingibjörg Ferdínandsdóttir les úr bók sinni „Leyndarmál Kela“. 

Sigurður Skúlason les úr bókum Gyrðis Elíassonar upp úr klukkan 19:00. 

Íris Edda Jónsdóttir syngur við undirleik Ragnars Ólafssonar. 

Hinrik Bjarnason og Sæmundur Rúnar Þórisson leika á gítara lög af disknum „Duet de mano“. 

Þegar fullur máninn brýst fram úr skýjum mun Kór Korpúlfa hefja raust á Myrkurkvöldi. 

Rósukaffi mun bjóða uppá Soupe au Pistou. 

- Listamenn á Korpúlfsstöðum opna vinnustofur og bjóða alla velkomna á Myrkurkvöld.