Úlfarsárdalur við Leirtjörn - Urðartorg
Myndir
Hvað verður gert?
Verkið felst í yfirborðsfrágangi á nýju torgi, Urðartorgi, við Leirtjörn í Úlfarsárdal meðfram Rökkvatjörn. Helluleggja á torgið og verða þar upphækkuð gróðurbeð. Snjóbræðsla verður á helstu gönguleiðum við við. Gera á vatnsrás meðfram Rökkvatjörn. Torgið verður upplýst og stefnt er á að setja þar listaverk og setbekki.
Hvernig gengur?
Nóvember 2025
Verkinu er nokkurn veginn lokið og hefur lokaúttekt verið haldin þar sem verkkaupi, verktaki, hönnuðir og eftirlit fóru yfir framkvæmdina á verkstað.
Hins vegar á eftir að koma fyrir nýja listaverki eftir Matthías Rúnar Sigurðsson. Steypa þarf sökkul undir styttuna sem og smíða bekki og beð í kringum það. Vonandi næst að klára þá vinnu fljótlega á næsta ári.
Febrúar 2025
Verkið hefur verið að einhverju leiti í dvala síðan í desember. Verktaki hefur þó reynt að vinna eins og hægt er og veður hefur leyft núna í byrjun árs.
Núna er staðan þannig að verktaki er búinn með 47% af verkinu. Það sem eftir stendur er:
- Upprif og jarðvinna við ofanvatnsskurð
- Gatnalýsing við Rökkvatjörn og Skyggnisbraut (ekki á torgi) og uppsetning á nýjum viðburðarskáp
- Uppsetning á stálgróðurkerum
- Hellulögn og annar yfirborðsfrágangur, u.þ.b 30% eftir
- Brúarhlemmur
- Fullnaðarfrágangur
Október 2024
Vertkaki er að koma sér fyrir. Verktaki hefur tekið til á svæði.
September 2024
Tilboð hafa verið opnuð og verktaki er Garðasmíði ehf og eftirlit er hjá Verkfræðistofu Reykjavíkur. Miðað er við að framkvæmdir fari af stað í byrjun október 2024
Ágúst 2024
Verkið verður boðið út í ágúst og er stefnt á að semja við lægstbjóðanda að loknu útboði, sem verður vonandi um næstu mánaðarmót. Í kjölfarið af því verður samið við aðila um framkvæmdaeftirlit.
Hver koma að verkinu?
Verkkaupi
Verkefnisstjóri USK
Ásgeir Marinó Rudolfsson