Tranavogur - Gatnagerð og lagnir

Í Tranavogi er um að ræða heildarframkvæmd fyrir veitulagnir, jarðvinnu undir götu og stéttar, yfirborðsfrágang götu og stétta, götulýsingu og frágang regnbeða ásamt gróðursetningu. Aðgengi fyrir gangandi að húsum verður tryggt. Ef leiða þarf hjáleið gönguleiðar yfri framkvæmaskurð verður göngubrú lögð. 

Verkið felst í megindráttum í eftirfarandi: 

• Rif og förgun á malbiki, hellum, steyptri stétt og kantsteini auk niðurtektnúverandi ljósastaura. 
• Uppgröftur fyrir götu- og gangstéttarstæðum. 
• Fullnaðarfrágangur fyllinga undir nýjar götur og gangstéttarstæði. 
• Fullnaðarfrágangur stofnlagna ofanvatns, skolps og vatns í götustæði. 
• Fullnaðarfrágangur götulýsingar. 
• Fullnaðarfrágangur hitaveitu, raflagna og stýristrengja í gangstéttarstæði. 
• Fullnaðarfrágangur púkklags ofan á nýja fyllingu undir malbik. 
• Fullnaðarfrágangur á neðra malbikslagi ofan á púkkmulning í götustæðum. 
• Fullnaðarfrágangur kantsteins og gangstéttaryfirborðs. 
• Fullnaðarfrágangur blágrænna beða. 

Framkvæmdin verður unnin í áföngum en byrjað er á því að leggja heitavatnslagnir.