Skólaþorpið í Laugardal
Skólaþorpið í Laugardal
Hvað verður gert?
Svo mæta megi stórum viðhaldsverkefnum í Laugarnes-, Laugalækjar- og Langholtsskólum verður færanlegum stofum komið fyrir á horni Reykjavegar og Engjateigs, þar sem nú eru bílastæði.
Skólaþorpið mun samanstanda af einnar hæðar stálgrindarhúsi og lausum kennslustofum sem eru að hluta til samtengdar.
Skólaþorpið mun rísa í áföngum og áætlað er að fyrstu kennslustofurnar verði tilbúnar veturinn 2025/2026 og hægt að taka þær í notkun í mars 2026 og að þorpið muni rísa í heild sinni 2026.
Hönnunarstjórn er í höndum Hornsteina arkitekta og landslagshönnun hjá Landslagi.
Hvernig gengur?
Október 2026
Fyrirhugaðar eru framkvæmdir við aðkomutog norðan við Skólaþorpið á bílastæðum við KSÍ. Þeim fylgja einnig gatnaframkvæmdir á Hofteigi og Reykjavegi. Markmið framkvæmdanna er að bæta aðgengi barna að Skólaþorpinu og auka umferðaröryggi á svæðinu.
Þessar framkvæmdir hefjast 13. október og er áætlað að þeim ljúki 10. nóvember að því gefnu að veður og aðstæður hamli ekki framvindu verksins. Á meðan á framkvæmdum stendur verður sérstakt lokunarskipulag í gildi á framkvæmdasvæðinu.
Beðist er velvirðingar á þeim óþægindum sem framkvæmdirnar kunna tímabundið að valda og þökkum við fyrir sýndan skilning og samstarf.
September 2026
Allar 16 færanlegu kennslustofurnar eru nú komnar á lóð Skólaþorpsins en þessa dagana er unnið að utanhússklæðningu þeirra. Þegar þeirri vinnu lýkur verður hægt að ganga frá sökklaklæðningum og í framhaldi af því getur lóðarverktaki lokið lóðarfrágangi við húsin.
Stóra stálgrindarbyggingin, um 900 m² að stærð frá Stólpa ehf., var sett á sökkla sína í síðustu viku. Nú er unnið að þakfrágangi hennar og samhliða því er hafin vinna við utanhússklæðningu. Að þeirri vinnu lokinni verður gengið frá sökklaklæðningum og þá getur lóðarverktaki jafnframt lokið lóðarfrágangi kringum hana.
Auk þess hefur verið unnið að aðkomutorgi við Skólaþorpið sem og gatnaframkvæmdum á Reykjavegi og Hofteigi. Aðkomutorgið er nú nánast fullbúið. Gert er ráð fyrir að framkvæmdir á Reykjavegi og Hofteigi hefjist um miðjan september og standi fram í miðjan nóvember. Verkinu verður skipt upp í nokkra áfanga til að forðast árekstra við viðburði á Laugardalsvelli.
Apríl 2026
Flutt var inn í áfanga 1 áttunda apríl en áfangi 1 samanstendur af alls tíu kennslustofum og afmörkuðu leiksvæði. Kennsla fyrir 200 börn er því hafin í Skólaþorpinu.
Unnið er að breyttu deiliskipulagi fyrir áfanga 2 sem samanstendur af sex stökum kennslustofum ásamt 900m2 stálgrindarhúsi sem hýsir kennslustofur og stjórnunarálmu.
Febrúar 2026
Uppsetning brunakerfis stendur yfir auk þess sem unnið er að frágangi utanhúss, smíði timburpalla og hellulögn þegar veður leyfir. Þá er verið að koma fyrir nýjum útihurðum í stofurnar sem komu frá Sæmundarskóla. Öryggisúttekt er áætluð 20. mars.
Síðustu sex timbureiningahúsin frá Terra eru í framleiðslu og áætlað er að smíði stóru byggingarinnar hefjist seinnipartinn í apríl. Skipulagsstofnun vinnur að yfirferð deiliskipulags sem gert er ráð fyrir að taki gildi seinnihluta mars.
Nóvember 2025
Það hefur miðað vel áfram með skólaþorpið í nóvember. Í áfanga eitt er þetta helst:
- Allar húseiningar settar á sökkla, tengingar við vatn/rafmagn/fráveitu kláraðar.
- Utanhússklæðningar fullgerðar
- Grófjöfnun lóðar í vinnslu- og heldur áfram
- Uppsetning ljósastaura er í vinnslu- og heldur áfram
- Snjóbræðsla í vinnslu- og heldur áfram
- Uppsetning leiktækja er í vinnslu- og heldur áfram
- Hellulögn, malbik, setbekkir, tréverk og pallafrágangur í vinnslu- og heldur áfram
- Dreifistöð fyrir raffæðingu lóðar var sett upp af Veitum og búið er að hleypa rafmagni og neysluvatni inn á lóðina og á byggingarnar
- Undirbúningur fyrir öryggisúttekt á áfanga 1 er hafinn
Þá er skipulagsvinna vegna áfanga tvö í vinnslu. Breyting á aðal- og deiliskipulagi hefur verið auglýst og umsagnir hafa borist frá hagaðilum. Samtal við viðbragðsyfirvöld er í gangi og hófst með fundi þann 26 nóvember. Því samtali verður haldið áfram í desember.
Október 2025
Allar 10 stofurnar í fyrsta áfanga eru komnar á svæðið og vel hefur gengið að vinna við uppsetningu
Ágúst 2025
Fyrstu fimm stofurnar voru færðar á lóð skólaþorpsins núna í ágúst. Stofurnar koma úr Grafarholtinu og gengu flutningar vel. Unnið er að því að tengja stofurnar og vinna þær í samræmi við áætlun um skólaþorpið. Í framhaldi verður svo farið í lóðafrágang áður en hægt er að taka stofurnar í notkun fyrir skólastarf. Myndir af flutningunum má sjá hér að ofan.
Júlí 2025
Jarðvinnuframkvæmdum fyrir skólaþorpið hefur miðað vel áfram í júlí. Vinnu við upprif, fráveitu- og vatnslagnir í lóð er lokið og sökklar fyrir fyrstu sex kennslustofurnar tilbúnir. Um miðjan ágúst eru fyrstu fimm húsin væntanleg á lóðina.
Júní 2025
Lóðvinna fyrir fyrri áfanga skólaþorpsins er hafin. Nánar er fjallað um þetta í frétt á vef Reykjavíkurborgar Lóðavinna hafin fyrir skólaþorp í Laugardal | Reykjavik
Maí 2025
Undirbúningsvinna til tryggja komu skólaþorpsins og gæði húsnæðis fyrir skólastarf s.s. hönnun, skipulagsferli, útboð og samningar, hafa verið í fullum gangi í allan vetur. Við erum að fara sjá fyrstu verksummerki á verklegu framkvæmdinni nú á næstu dögum.
Það sem liggur fyrir:
- Samningar við lóðaverktaka, verktaka sem flytja núverandi færanlegar stofur auk, kaup á 11 nýjum stofum og verktaka sem setur þær upp.
- Gert er ráð fyrir að fyrsti áfangi skólaþorpsins, 10 kennslurstofur, verði afhentar til notkunnar í haust.
- Áætlað er að fyrstu fjórar kennslustofur verði tilbúnar til úttekta og afhendingar í september/október 2025
- Áætlað að næstu sex kennslustofur verði tilbúnar til úttekta og afhendingar í október/nóvember 2025
- Seinni áfangi, sex kennslustofur og 900 m² einingahús, er áætlaður vor 2026. Áætlað er að deiliskipulagsbreyting vegna seinni áfanga verði lögð fyrir borgarstjórn 3. júní næstkomandi og deiliskipulag fari í auglýsingu í kjölfarið.
Maí 2025
Útboð vegna færanlegra kennslustofa og jarðvinnu er lokið. Verið er að samræma áætlanir jarðvinnuverktaka og þeirra sem sjá um uppsetningu á færanlegum kennslustofum. Á næstu mánuðum munum við sjá byrjun jarðvinnu á svæðinu.
Janúar 2025
Hönnun er í gangi og EES útboð vegna lausra kennslustofa er í auglýsingu.
