Leikskólinn Seljaborg - kennslustofur, hönnun, smíði og lóðarfrágangur

23. Mars 2026

Þrjár nýjar leikskólastofur bætast við leikskólann Seljaborg í apríl

Okkur er ánægja að upplýsa að á næstunni stækkar Seljaborg.

Til stendur að flytja þrjár leikskólastofur í heilu lagi sem munu bætast við núverandi húsnæði Seljaborgar. Flutningurinn mun fara um Tungusel og Öldusel og hafa tímabundin áhrif á umferð og takmarka aðgengi að Tunguseli og Ölduseli frá 30. mars– 3. apríl 2026. Endanleg dagsetning flutnings liggur ekki nákvæmlega fyrir enn, þar sem veður og aðstæður ráða framkvæmd en unnið verður innan ofangreinds tímabils. Hægt er að fylgjast með framkvæmdum á framkvæmdasíðu verkefnisins á reykjavik.is.

Áhrif á aðgengi og umferð

Aðgengi verður takmarkað í nokkrar klukkustundir á milli kl. 08:00 og 14:00 á framkvæmdadegi þar sem flutningabílar og krani munu þvera Tungusel. Jafnframt mun kranavinnan taka allt pláss á öðru bílastæðinu við Tjarnarsel á meðan aðgerðir standa yfir.

Á meðan á framkvæmdum stendur munu starfsmenn SG húsa stýra umferð um svæðið og hleypt í gegn í hollum eftir sem aðstæður leyfa. Við biðjum þá sem þurfa nauðsynlega að fara um þetta svæði á þessum dögum að að leggja annarstaðar, eftir því sem aðstæður leyfa, til að létta á umferð og auka öryggi.

Öryggi íbúa og vegfarenda í fyrirrúmi

Við biðlum um til íbúa og vegfarenda að sýna tillitssemi og varúð í kringum krana og flutningatæki. Mikilvægt er að engin reyni að aka eða ganga meðfram krananum á meðan vinna  stendur yfir, þar sem slíkt getur skapað hættu.

Með fyrirfram þökk fyrir skilning og samstarf,

Starfsfólk Umhverfis og skipulagssviðs Reykjavik og SG Hús

Mars 2026

Stefnt er að því að koma með stofurnar fullbúnar í lok mars. 

Reikna má með því að þær verði settar á lóðina þann 31. mars.

Vinnan sem er eftir innanhúss í stofunum er dúkalögn, samtenging lagna osfrv. 

Gera má ráð fyrir því að þeirri vinnu ljúki um miðjan april. 

Eftir er frágangur á lóðinni. 

Lagnaskurði meðfram Öludseli verður lokað eða grafið yfir hann í lok vikunnar. Þá tekur við yfirborðfrágangur  á nýrri stétt. 

Febrúar 2026

Bygging á nýjum stofum eru á áætlun en stofurnar eru smíðaðar á verkstað verktaka og verða svo fluttar á lóð leikskólans.

Vinna við stoðvegg og lagnafrágang á lóð er í gangi. 

Febrúar 2026

Verið er að undirbúa byggingu á stoðvegg á lóðinni þar sem að nýjar stofur munu koma. Einnig er byrjað grafa lagnaskurð meðfram lóð þar sem þær munu koma. Mjög fljótlega verður byrjað að grafa fyrir lagnaskurði sem mun vera meðfram Tunguseli. 

Janúar 2026

Bygging húsanna á verkstað verktaka á Selfossi er langt komin. Vinnu við grunn á lóð leikskólans er lokið. Framundan er uppsteypa á stoðveggjum og gerð lagnaskurða innan og utan lóðar.

Janúar 2026

Lokið er færslu á nýju gönguhliði inn á lóð leikskólans. Verður það nýtt meðan á framkvæmdatíma stendur. Verið er að undirbúa framkvæmdir á endurnýjun á lögnum norðanmegin við núverandi hús. Nánari upplýsingar um gönguleiðir meðfram húsinu verða settar inn á síðuna þegar sú vinna fer af stað.

Unnið er að jarðvinnu til að koma fyrir sökklum og staðsetningu í nýjum stofum. Á verkstað á Selfossi er unnið að smíði á nýju stofunum.

Verkið er á áætlun.

Desember 2025

Unnið er að jarðvinnu til að koma fyrir sökklum og staðsetningu í nýjum stofum eftir að verktaki lauk við að girða af vinnusvæði. Nauðsynlegt var að girða af núverandi bílastæði til að skapa rými fyrir aðföng og athafnir. 

Á meðan framkvæmdum stendur munu foreldrar nýta inngang við Öldusel. Sett verður upp nýtt inngangshlið frá stíg sem er meðfram skólalóðinni.

Nýju húsin og tengibygging eru smíðuð á verkstað verktakans til að takmarka rask á framkvæmdatíma. Ráðgert er að koma með húsin í janúar. Gera má ráð fyrir vinnu verktakans á svæðinu fram í lok febrúar.

Verkið er á áætlun.

Nóvember 2025

Verið er að smíða stofurnar á verkstað verktakans. Búið er að reisa burðargrindur húsanna, verið er að loka útveggjum og stefnt að því að loka gólfum á næstu vikum. 

Verktakinn mun byrja að girða af vinnusvæðið í byrjun næstu viku. Í framhaldinu verður farið að grafa fyrir sökklum á nýjum stofum. 

Aðgangur að leikskólanum er annar á meðan framkvæmdum stendur. Leiðbeiningar sendar til foreldra.

Verkið er á áætlun. 

Maí 2025

Alls bárust fjögur tilboð í framkvæmdir á færanlegum stofum við Seljaborg. Samþykkt var að ganga að tilboði Eðalbygginga ehf.